Elda Wan-Liang Wu

Taem Elda Wan-Liang Wu i gat 10 yia, famli blong hem i muvaot long Taiwan i go long Bolivia. Hem i long ples ia nao we ol sista blong hem oli bin mitim ol misinari tru long ol fren. Hem i stat blong stap luk ol misinari mo hem i bin baptaes taem hem i gat 11 yia.

Taem oli bin muv i go long niu hom blong olgeta, i bin gat plante jalenj, be hem i talem tangkyu from we famli blong hem i bin muv. “Mi bin lusum wan samting blong save gat ol samting we oli moa gud long wan wei blong Lod we i moa gud,” hem i talem.

Wan-Liang Wu i bon i kam long wol long Taipei, Taiwan, long 22 Disemba, 1970, mo hem i las bon pikinini blong Chang Yung Wu mo Bao Guey Lin. Hem i gat tri sista mo wan brata.

Afta we famli blong hem i muv i go long Santa Cruz, Bolivia, oli muv i go long Buenos Aires, Argentina, taem hem i gat 14 yia. Afta we hem i go long misin long China Hong Kong Misin, hem i maredem Marcela Beatriz Castellani long 17 Maj, 1995, long Buenos Aeres Ajentina Tempol. Tufala i gat tri pikinini.

Hem mo Marcela i ona mo maneja blong stoa blong famli blong olgeta long Buenos Aires. Hem i bin wok blong Jos stat long 2007, faswan long Mitinghaos Fasiliti Dipatmen mo afta, long 2016, hem i wok olsem operesen mo mentenens maneja long Saot Amerika Saot Eria.

Elda Wu i winim wan digri long bisnis administresen long Universidad Argentina de la Empresa long 2014, mo i kasem wan Masta digri long saed blong bisnis administresen long Universidad del CEMA long Buenos Aires long 2020.

Long taem we hem i bin kasem koling blong hem, Elda Wu i stap givim seves olsem misin presiden blong Chile Antofagasta Misin. Hem i bin givim seves tu olsem wan stek presiden, kaonsela long wan stek presidensi, bisop, mo presiden blong kworom blong ol elda, wod klak, kaonsela long presidensi blong kworom blong ol elda, mo wan tempol odinens wokman.