Elder Ronald M. Barcellos

I le 12 o ona tausaga, na faitauina ai e Elder Ronald M. Barcellos le Tusi a Mamona mo le taimi muamua. Ina ua uma lana faitauga, sa ia alu atu i le faiaoga seminare i lana uarota ma fesili i ai pe mafai ona amata auai i vasega seminare.

“Sa ou auai i le seminare mai le 12 i le 18 o o’u tausaga aua sa ou fiafia lava e i ai iina ma faalogologo i tala o le Tusi Paia ma le Tusi a Mamona,” o lana tala lea. “Sa ou lagonaina lava i taimi uma lenei alofa mo le talalelei, ma sa ou lagonaina i taimi uma e moni.”

O le auauna atu i se misiona mulimuli ane na faamautuina ai lona faatuatua, ma sa ia tauto e faamuamua pea le talalelei i lona olaga.

“Tumau i le latalata atu i [le Tama Faalelagi], faamamalu au feagaiga, ma o le a faataunuuina Ana fuafuaga mo oe,” na ia saunoa ai.

Na fanau Ronald Maldonado Barcellos i São Paulo, Pasila, i le aso 4 Novema, 1975, ia Sérgio Barcellos Silveira ma Marcia Maldonado Barcellos Silveira. Sa faaipoipo atu o ia ia Karin Spat Albino Barcellos Silveira i le Malumalu o São Paulo Pasila i le aso 4 o Tesema, 1999. O i la’ua o ni matua o se fanau e toatolu.

Sa aoga Elder Barcellos i le pulega o pisinisi i le Iunivesite o São Marcos i São Paulo. O lana galuega faapolofesa na aofia ai le galue mo le tele o kamupani i matafaioi o le faatau atu ma le maketiina ma o se tagata fai pisinisi. Na ia faavaeina le tele o pisinisi, e aofia ai GreenMile, LLC, lea sa avea ai o ia ma Ofisa Sili o Pulega mo le tele o tausaga.

E lei leva ona faaiuina e Elder Barcellos lana auaunaga o se peresitene o le misiona i le Misiona a Potukale Lisbon. Sa ia auauna atu foi o se fesoasoani i le au peresitene o le siteki, fautua maualuga, peresitene o Alii Talavou a le siteki, epikopo, fesoasoani i le au epikopo, taitai vaega o faitaulaga sili, peresitene o le korama a toeaina, ma se faiaoga seminare.