Elder Aaron T. Hall

E manatua e Elder Aaron T. Hall le taimi na vaetofia ai i la’ua ma lona faletua, o Kimberly, e avea ma taitai faamisiona i le Misiona a Texas Houston i Saute. Sa la ta’u atu ia Elder David A. Bednar o le Korama a Aposetolo e Toasefululua e faapea, o o la lagona e amata mai i le lofituina i le sagisagi fiafia. Sa faaalia e Elder Bednar le manaomia ona lotofaafetai.

“O le mea na ia aoao mai ia i ma’ua i lena aso e le’i tuua lava o’u mafaufauga e faatatau i soo se valaauga ma te mauaina, o lona uiga, ’Ua na o le ma faafetai lava,’” o lana tala lea. “Tou te tau mafaufau pe faapefea ona filifilia outou e le Alii i le lalolagi, ae ua ma molimauina o loo Ia faia. Ma talu ai o loo ma naunau ma avanoa, o le a Ia faia ia ma gafatiaina.”

Na fanau Aaron Tracy Hall i le aso 4 o Mati, 1971, i Provo, Iuta, o le atalii o Alan Eugene Hall ma Paula Jeanne Nowak Hall. Sa auauna atu o ia i se misiona talai i le Misiona a Chile Osorno ma mulimuli ane faaipoipo atu ia Kimberly Wade Hall i le aso 28 o Tesema, 1993, i le Malumalu o Logan Iuta. O i la’ua o matua o se fanau e toafa.

I le taimi o lona valaauga, sa auauna atu Elder Hall o se Fitugafulu Eria i le Eria o Iuta. Sa auauna atu foi o ia o se fesoasoani i le au peresitene o le siteki, fautua maualuga, failautusi faapitoa a le siteki, epikopo, peresitene o le korama a toeaina, ma se peresitene o Alii Talavou a le uarota.

Sa maua e Elder Hall sona faailoga o le tagata malaga i fefaatauaiga faapolofesa, mai le Iunivesite o Weber State ma se faailoga o le matuaofaiva i pulega o mea tau faapisinisi mai le Iunivesite o Iuta. Sa avea muamua ma se pule faapitoa mo kamupani faatekinolosi ma pisinisi tumaoti e tutusa aia, ae talu ai nei sa galue ai o se faatonusili i le Matagaluega o Faifeautalai a le Ekalesia.