Elder Kevin G. Brown

Ina ua 12 tausaga o Kevin Brown, sa luiina o ia e se tamaitai faifeautalai e faitau le Tusi a Mamona. O taeao uma lava la, na te tatalo ai, faitau, ma toe tatalo. I tatalo taitasi, sa ia ole atu ai i le Tama Faalelagi pe moni le Tusi a Mamona.

Na ia manatua i se tasi taeao a o tatalo, na te “le’i tau fesiligia le fesili. Na oo mai le tali a le Alii i se auala loloto.” Sa ia lagonaina le fetalai mai o le Alii ia te ia: “Ou te iloa oe, ma ou te alofa foi ia te oe. O oe o lo’u atalii.”

O le taimi lava lena, na faamautu atu ai e le Agaga Paia ia te ia: “O le upumoni lenei a le Atua. E moni le Tusi a Mamona. O Iosefa Samita o se perofeta.” O lenei aafiaga na suia ai lona olaga.

Na faamamaluina e Elder Brown le tosinaga a lena tamaitai faifeautalai ma isi mo le mea o loo i ai nei o ia. Mai lava i lona laitiiti, sa uunaia o ia e tagata o le Ekalesia o e na fesoasoani ia te ia—mai lona peresitene o le itu e oo atu i faiaoga o le Peraimeri, mai faifeautalai talavou i faifeautalai matutua, ae maise lava o lona faletua, o Nadine, o lē sa i ai se aafiaga sili ona tele i tagata uma sei vagana ai le Alii.

Na fanau Kevin G. Brown i le aso 18 o Me, 1976, i Manchester, Jamaica, ia Desmond Holness ma Patsy Williams Brissett. Na faaipoipo o ia ia Nadine Lezanne Carter i le 1999. E toalima le la fanau.

Sa maua e Elder Brown se faailoga o le tagata malaga mai le Iunivesite o Tekinolosi, Jamaica, i le 2008. Na ia mauaina le tikeri o le matuaofaiva i pulega ma faiga fa’avae lautele mai le Iunivesite o West Indies i le 2012. Talu mai le 2001 sa galue ai o ia mo Seminare ma Inisitituti o Mataupu Faalelotu a le Ekalesia.

I le taimi o lona valaauga, sa auauna atu Elder Brown o se Fitugafulu Eria i le Eria o Iuta.