Tua Atu o Faatinoga: Auaunaga mo Faaliliuga ma Malo

E tasi le faaiuga o le vaiaso i le tai ono masina tatou te fiafia ai i le konafesi aoao. Ae i tua atu o faatinoga, e faitau afe volenitia ma tagata faigaluega a le Ekalesia o loo galulue mo le tele o masina ina ia tupu lenei mea.

Latou te faia mea uma e faasalalau atu ai savali faaperofeta i le faitau miliona o tagata i le lalolagi atoa. O sina tepa laitiiti lea i lenei galuega tele naua.

Auaunaga mo Faaliliuga

E selau fasefulu-tolu ’au a gagana i le lalolagi atoa e faaliliuina lauga o konafesi aoao i le taimi tonu ina ia mafai ai e tagata o le ekalesia ona faalogologo e aunoa ma le faatuai i a latou lava gagana. E na o le 57 o na ’au e faamatalaupu mai le laumua o le Ekalesia i le Aai o Sate Leki.

O le faamatalaupu e ese mai le faaliliuga, lea e aofia ai le suia o upu tusitusia i se isi gagana. O le faamatalaupu, e tatau ona saunia le ’au a le gagana e faamatalaina suiga ma faamatalaga i minute mulimuli na faia i le pulelaa. O faamatalaupu e fesoasoani i tagata o le ekalesia i le lalolagi atoa e faalogo i le talalelei i a latou lava gagana (tagai i le Mataupu Faavae ma Feagaiga 90:11).

Auaunaga mo Malo

Afai na e auai i le konafesi aoao i le Aai o Sate Leki, ISA, e te matauina i latou e faasino atu oe i lou nofoa. E tusa ma le 400 faifeautalai i le Lotoa o le Malumalu e volenitia pe tusa ma le 9,000 itula i le faagasologa o le konafesi aoao e fesoasoani ai i malo e ulufale atu ma ulufafo mai le Maota Autu mo Konafesi ma le sologa lelei.

Latou te taialaina tagata asiasi e 20,000 mo sauniga taitasi o le konafesi aoao. O le taimi lava e mae’a ai se sauniga, latou te galulue e faasino atu tagata asiasi i fafo i se taimi vave e mafai ai ina ia mafai ona latou faamamaina va o nofoa mo isi e auai i le isi sauniga.