Elder Ozani Farias

O le tatalo e uiga i faaiuga faigata na avea ma faavae ia Elder Ozani Farias mai lona laitiiti. Sa tatalo Elder Farias ina ua uma ona ia feiloai atu i faifeautalai i le 15 o ona tausaga. Sa tatalo o ia e uiga i se misiona talai, aoaoga, faaipoipoga, ma avanoa faigaluega.

Ma e tusa lava pe le manino le ala, ae na ia iloa le mea e tatau ona ia faia.

“E faamuamua pea le Atua,” o lana tala lea. “Auauna muamua ia te Ia. Ua matou vaaia le tele o faamanuiaga mai le faia o lenei mea.”

O le mulimuli i uunaiga mai le Agaga Paia e lei taitai sese ai lava o ia ma lona toalua, o lana tala lea. “Ua ou aoaoina le mana o faaaliga faaletagata lava ia. E fetalai mai le Atua i Lana fanau. O loo i ai se fuafuaga a le Atua mo tatou.”

Na fanau Ozani Barboza Marques Farias i Recife, Pasila, i le aso 19 Oketopa, 1969, ia José Osanã Farias ma Severina Barbosa Marques. Sa faamauina i la’ua ma lona faletua, o Giovanna de Medeiros Prata Farias, i le Malumalu o São Paulo Pasila i le aso 18 o Ianuari, 1994. E toatolu le la fanau.

Sa maua e Elder Farias se faailoga o letagata malaga i le tausitusi mai le Iunivesite Katoliko o Pernambuco, o se faailoga maualuga atui i mea tautupe mai le Iunivesite o Pernambuco, ma se matuaofaiva i le pulega o pisinisi mai le Getulio Vargas Foundation. Sa galue o ia mo le Ekalesia i tofiga eseese, e aofia ai o se pule o mea tautupe, pule o punaoa mo tagata faigaluega, ma talu ai nei o se faatonu o mataupu faaletino mo le Eria a Pasila.

O Elder Farias o loo avea nei ma peresitene o le Misiona a Georgia Atlanta. Sa ia auauna atu foi o se fesoasoani i le au peresitene o le siteki, failautusi a le siteki, fautua maualuga, epikopo, fesoasoani i le au epikopo, ma se faiaoga o le Peraimeri.