Brother Sean R. Dixon

I le iloaina ai o le tele o leo o loo tauva mo le gauai atu o tagata talavou, ua faamoemoe ai Brother Sean R. Dixon o le a vaavaai atu le autalavou i perofeta ma aposetolo o aso nei ma faalagolago ma mulimuli i la latou taitaiga.

“O le a latou taitai atu i latou ia Iesu Keriso,” o lana tala lea. “E le o le perofeta [Peresitene Russell M. Nelson] o le taunuuga o le sini; o le Faaola. Ae o le perofeta e matua faasaga lava i le Faaola, ma afai latou te mulimuli ia te Ia, o le a latou saunia mo mea o le a latou feagai i o latou olaga.”

Na fanau Sean Romney Dixon i le aso 5 o Me, 1970, i Provo, Iuta, o le atalii o Donald Romney Dixon ma Diane Scott Dixon. Sa ia auauna atu faamisiona i le Misiona a Kanata Toronto. Na ia faaipoipo atu ia M’Shelle Lundquist i le aso 14 Me, 1992, i le Malumalu o Sate Leki. O i laua o ni matua o se fanau e toalima.

Sa maua e Brother Dixon se faailoga o le tagata malaga i le faasaienisi o aiga mai le Iunivesite o Polika Iaga ma se faailoga o le matuaofaiva i aoaoga mai le Iunivesite o Phoenix. Sa galue o ia i tofiga eseese i Seminare ma Inisitituti o Mataupu Faalelotu mo le 30 tausaga, o le taimi nei o se faatonu o le Itulagi o le Inisitituti i Saute o Iuta, o loo vaaia inisitituti mai Orem e oo atu i St. George. Sa avea muamua o ia ma se faiaoga seminare i le Itumalo o Iuta ma faatonu sili o le Inisitituti o Mataupu Faalelotu i le Vanu o Iuta.

I le taimi o lona valaauga, sa auauna atu Brother Dixon o se peresitene o le Siteki a Spanish Fork Iuta i Sasae. Sa avea o ia ma se peresitene o le Misiona a Kalefonia Redlands, fesoasoani i le au peresitene o le siteki, epikopo, fesoasoani i le au epikopo, ma le peresitene o Alii Talavou a le uarota.