Elder Pedro X. Larreal

I le masina lona fa o Elder Pedro X. Larreal o se faifeautalai faamisiona, sa asiasi atu ai Peresitene Gordon B. Hinckley (1910–2008) i le Misiona a Venesuela Caracas.

Na ta’ua e Elder Larreal, “Sa ia tuuina mai se valaaulia ofoofogia ia i matou e uiga i le faapaiaga: ’Afai tou te taulai atu i le 100 pasene, ou te folafola atu o le a maua e lou aiga i le lumanai ia faamanuiaga.’”

Mulimuli ane, sa tusia e Elder Larreal se tusi e faamuta ai le la faigauo ma lana teine i le fale. “Sa tatau ona ou tu’uina mea uma i luga o le fata faitaulaga aua sa tatau ona ou taula’i atili.”

I le toe tepa i tua, na ia iloaina ai le tele o faamanuiaga—a’oga faamanuiaina, galuega manuia—na totogo mai i le faalagolago i lena folafolaga faaaposetolo.

“Pe a tatou mulimuli i le taitaiga a se perofeta, tagatavaai, ma talifaaaliga, o le a tatou maua faamanuiaga i o tatou olaga,” na ia saunoa ai. “Ou te folafola atu ai.”

Na fanau Pedro Xavier Larreal Noguera i le aso 6 Iulai, 1976, i Valencia, Venesuela, ia Duilio Antonio Larreal Romero ma Haydee Maria Noguera De Larreal. Sa faaipoipo atu o ia ia Sariah Alvarez Campos i le Malumalu o Caracas Venesuela i le aso 25 o Aokuso, 2001. O i la’ua o ni matua o se fanau e toatolu.

Sa maua e Elder Larreal se faailoga o le tagata malaga i le pulega mai le Iunivesite o Simón Rodríguez, o se faailoga o le matuaofaiva i le faasaienisi i aoaoga mai le Iunivesite o Santa Maria, ma se matuaofaiva i le pulega o pisinisi mai le Iunivesite o Polika Iaga. Sa galue o ia o se taitai faamaopoopo o Seminare ma Inisitituti o Mataupu Faalelotu ma sa galue mo le Nature’s Sunshine Products Inc. o se pule sili ma le faatonusili faaitulagi o Mekisiko, Amerika Tutotonu, ma le Ripapelika Tominika.

A o lei valaauina o ia o se Pulega Aoao, sa auauna atu Elder Larreal o se peresitene o le Misiona a Texas McAllen. Sa auauna atu o ia o se Fitugafulu Eria i eria e lua, peresitene o le siteki, fesoasoani i le au peresitene o le siteki, fautua maualuga, failautusi faapitoa a le siteki, ma le epikopo.