Uso David J. Wunderli

Ua leva lava ona iloa e Uso David J. Wunderli o loo soifua Iesu Keriso.

“Sa faamanuiaina a’u e lagona Lona faatasi mai mo le umi e mafai ona ou manatuaina,” o lana tala lea. “Sa i ai pea so’u loto talitonu.”

E le faapea ai e lei i ai ni ona luitau, “ae o o’u manatunatuga loloto e masani lava ona faalagolago i le iloaina o loo i ai tali mai ia te Ia.”

E manao Uso Wunderli i le autalavou o le Ekalesia ia i ai se lagona o i latou o ni ō, ma ia iloa e i ai a latou uo i atunuu uma ma e silafia e Iesu Keriso i latou i o latou igoa.

Na fanau mai David John Wunderli i le Aai o Sate Leki, i le aso 22 Iuni, 1961, ia Fredric Theodore Wunderli ma Bernardine Lyman Wunderli. O le siitia atu o Diane Robins mai Kanata i lana uarota na la feiloai ai. Sa faamauina i la’ua i le Malumalu o Sate Leki i le 1984 ma tausia ai le la fanau e toafa i Kalefonia ona sosoo ai lea ma Alpine, Iuta.

Sa auauna atu Uso Wunderli i le Misiona a Pasila Rio de Janeiro ma sa maua sona faailoga o le tagata malaga mai le Iunivesite o Iuta i le tausitusi ae lua i le gagana Potukale. Sa galue o ia o se ofisa sili i Easton Sports ma o le peresitene o le OGIO International. Sa galue foi o ia i le tele o komiti faafoe o faalapotopotoga ma fono faatonu o foa’i alofa.

I le taimi o lona valaauga, sa auauna atu o ia i le aufono faufautua aoao a Alii Talavou. O loo auauna atu Sister Wunderli i le aufono faufautua aoao a le Peraimeri. Mai le 2020 i le 2023, sa la auauna atu ai o ni taitai o le Misiona a Cape Verde Praia. Sa auauna atu foi Uso Wunderli o se peresitene o le siteki ma se epikopo o talavou nofofua matutua, fesoasoani i le au peresitene o le paranesi o le nofoaga autu e aoao ai faifeautalai, ma se peresitene o Alii Talavou a le uarota.