Elder Eduardo F. Ortega

I le aluga o tausaga o auaunaga i le Ekalesia, ua aoaoina ai e Elder Eduardo F. Ortega se lesona taua. I soo se valaauga, pe o se epikopo po o se uso o auaunaga, o le iloaina o loo tatou suitulaga i le Alii e faigofie ai lena valaauga.

“Afai tatou te mafaufau pe faapefea ona Ia faia, e faigofie,” na ia saunoa ai, ma sii mai le Iakopo 5:71–72 i le Tusi a Mamona. “Sa ou lagonaina le galue ai o le Alii i o’u tafatafa i le tele o taimi i le tele o valaauga aua o Lana tovine lea, ae le o so tatou.”

Na fanau mai Eduardo Franciso Ortega i Godoy Cruz, Mendoza, Atenitina, i le aso 10 Iulai, 1977, ia Fernando Daniel Ortega ma Irma Elvira Endstorfer. Sa faaipoipo atu o ia ia Gabriela Alejandra Cappi Franzia i le Malumalu o Montevideo Iurukuei i le aso 13 o Setema, 2002. O i laua o matua o se fanau e toalima ma sa nonofo i le Aai o Mekisiko, Mekisiko, i le taimi o lona valaauga.

Sa maua e Elder Ortega se faailoga o le tagata malaga i le tusiata fale mai le Iunivesite o John F. Kennedy, Atenitina, i le 2008 ma se faailoga o le matuaofaiva mai le Iunivesite o Belgrano i le 2016. I le 2017 na ia mauaina ai se tipiloma i tulaga faaleta’ita’i mai le Harvard Business School. Sa galue o ia o se pule o poloketi faufale, muamua mo le SBA Company ona sosoo ai lea ma le lālā a Atenitina o le Vaega Faalauiloa o Faafiafiaga a le Nuu. Na avea o ia ma faatonu sili o fale ma fanua mo le American Express Company i le 2014, sui o le komiti faatonu mo Arch Royale Projects Ltd. i le 2023, ma sui o le komiti faatonu mo CorNet Global i le 2024.

I le taimi o lona valaauga, sa auauna atu Elder Ortega o se Fitugafulu Eria. Sa auauna atu foi o ia o se fesoasoani i le au peresitene o le siteki, epikopo, fesoasoani i le au epikopo, peresitene o le korama a toeaina, taitai vaega o faitaulaga sili, ma se faifeautalai faamisiona i le Misiona a Colombia Cali.