“Katokan Ana Waaki te Aro’ i Ghana,” Karaki man Reirei ao Berita aika Tabu (2024)
“Katokan Ana Waaki te Aro’ i Ghana,” Karaki man Reirei ao Berita aika Tabu
Tuun 1989–Nobembwa 1990
“Katokan Aia Waaki Aaro” i Ghana
Teimatoa n onimaki ngke a aki kona n ikotaki Aomata aika Itiaki
Alice Johnson bon te mitinare are e beku ni bon abana ae Ghana. E tatangira n tibwa ana koaua iroun Iesu Kristo ao ni buoka rikiraken te Ekaretia.
Saints, 4:416–17
N te bong teuana, e karekea te rongorongo ae kaun Alice. E taekinaki man te Tautaeka i Ghana bwa ai akea te manga bootaki n taromauri i Ghana. A nang aki karaoa aia reirei mitinare.
Saints, 4:417
A kanakoia mitinare bureitiman man aia auti ni maeka ao n anai aia bwaatika. A kamatawarikaki tabeman kaain te Ekaretia. A rokani ana kateitei te Ekaretia tautia ao n aki kariaia riniia aomata iai. A arana te bwai ae riki aei aomata bwa “Katokan Ana Waaki te aro.”
Saints, 4:417–18
A riai mitinare n okiri mwengaia. E nako ni maeka ma raoraona Alice n te kaawa teuana. E raoraoma ngkana e nang aki bane ana tai ni mitinare.
Saints, 4:418
A mangao aia iango, a nanokawaki, ao ni maaku Aomata aika Itiaki i Ghaana. A iangoia bwa tera ae a tia ni karaoia ae bure. A manga kona n taromauri?
Saints, 4:418
E ngae ngke a aki kona n ikotaki ma kaain aia uoote, a tematoa Aomata aika Itiaki n tangira te Uea ao ni kan neboia. A kakaraoa aia bootaki n toa ni mweengaia. A kakabwaia te karaki ao te ran kaain te utu ake iai irouia te nakoanibonga ao a kabutia nakoia kaain te utu.
Reirei ao Berita aika Tabu 6:32; Saints, 4:419
E reitinako katokanana waaki te aro i nanon namwakaina. A anenei anene n taromauri Aomata aika Itiaki ao n reiakinnia i marenaia taekan te euangkerio ni mweengaia. A kakawari i marenaia ni ibuobuoki bwa a aonga n teimatoa ni kakorakora aia onimaki. A kaokoroi aia kabwianibwai bwa a na kabwakaa ngkana e a manga okira arona n uki te taromauri. A tataro ao n aki mamatam bwa e na toki te totoko aei.
Saints, 4:436–37
I mwiin 18 te namwakaina, e a baeireia te tautaeka bwa e a kona te Ekaretia n manga waaki ni bootaki. E tuatua te beretitenti n te mition ae boou bwa e na marooro ma Alice, are ai ataein ngkai te reirei n te kuura n reirei. “Ko tangira n oki ao ni karaoa am mwakuri ni mitinare i mwiin reireim? E titirakinna. E kaeka, “I aki”. I tangiria ni beku ngkai naba!”
Saints, 4:437–39
A rangi ni kukurei Alice ao tabeman Aomata aika Itiaki bwa a kona ni manga taromauri! N moan Tabati i mwiin tokin ana waaki te Aro, uoua te aoa ae kabaneaki n te bootaki n toa ibukina bwa a mwaiti aomata ake a tangiria n tibwaa aia koaua. A kaotia i marenaia aron ana kakabwaia te Uea nakoia ao aron buokaia bwa a na teimatoa n kakorakorai aia onimaki.
Reirei ao Berita aika Tabu 20:75; Saints, 4:438