Taan Kakoaua a Noori Taian Bwaatua n Ana Boki Moomon

Iotebwa, Emma, ao Oliver Cowdery a reitinako n rairi bwaatua koora n ana auti Timiti i Pennsylvania. Ma aomata n aia kaawa a tangiria ni katokiia. Iai raoraon Olive ae arana David Whitmer ae maeka i New York. Oliver e tuanga David ngkana a kona ni mwaing ni maeka ma te utu ae Whitmer ni kabanea aia rairairi.

Saints, 1:68

A kariaia David ma ana utu. A butimwaiia Iotebwa, Emma, ao Oliver nakon mweengaia. Ngkai a kona ni mwakuri iaon te rairairi ma te rau. A mwaiti aomata aika a maeka ni mweengaia te utu ae Whitmer. Are nanona bwa e rangi ni korakora te mwakuri ae e na karaoaki, riki nakon tinan Daid, ae Mary.

Saints, 1:68–70

N te bong teuana, ngke e tabe ni mwakuri Mary, e kawaria te anera ae Moronaai. E tuangnga bwa e ataia ae mwakuri ake e karaoi aika a raka e karika korakaina. E tangiria ni kakorakoraa ana onimaki. E kauka te baeki ao ni kaotinakoi bwatua koora. E raibaea baana ao ni kaota nakon Mary koroboki. E berita nakon Mary bwa are e na bon kakabwaiaaki.

Saints, 1:70–71

Tabeman aomata a bon aki kakoauaa bwa bon iai te bwatua. E a tia n ongotaeka Iotebwa iroun te Uea ngke e tuangaki bwa e na aki kaota te bwatua nakoia tabeman. E taku te Uea bwa e na karekeia riki teniman taan kakoaua bwa a na noori bwatua. David Whitmer, Martin Harris, ao Oliver Cowdery a tuatua ngkana a kona n riki bwa taan kakoaua. E taku te Uea bwa a kona.

Reirei ao Berita aika Tabu 5:11–12; 17; Saints, 1:73

A nako n te buakonikai Iotebwa, Martin, Oliver, ao David. A katorobubua ao a butiia te Atua temanna imwin temanna ngkana a kona n noora te bwatua, ma akea te bwai ae riki.

Saints, 1:73

E namakinna Martin Harris bwa bon ngaia bukina ae e aki kaekaaki aia tataro. E kitaniia Martin, ao ake nikiraia a reitinako n tataro.

Saints, 1:73

Imwina e kaoti te anera ibuakon te oota. E kaota nakon Oliver ao David bwatua koora ao koroboki ake i aona. A ongo bwanaan te Atua n taekinna bwa e a tia Iotebwa n raira te bwatua man mwaakan te Atua ao e bon koaua te rairairi. E taku te Atua bwa a riai n tuangiia aomata tabeman tera are a tia n noria ao n ongo.

“Aia Koaua Taan Kakoaua ake Teniman”; Saints, 1:73–74

E nako Iotebwa ni kakaea Martin. E reitinako n tataro. E tataro Iotebwa ma ngaia. Imwina e kaoti te anera ao ni kaota te bwatua nakon Martin, n aron are e karaoia nakoia Oliver ao David.

Saints, 1:74

Imwina, e nako Iotebwa ni kakaeiia ana karo, ake a kawara Mary Whitmer. E tuangiia bwa e rangi ni kukurei ngkai iai riki aomata tabeman ake a tia n noori bwatua. Ngkai a kona taan kakoaua n tuangiia aomata bwa e bon koaua are e taekinna Iotebwa. E tuangiia aomata Martin bwa e rangi ni kukurei ngkai e kariaia te Atua bwa e na riki bwa temanna te tia kakoaua.

Saints, 1:74–75

Tabeua te bong imwina, te Uea e tuanga Iotebwa bwa e na kaoti bwatua koora nakoia waniman riki aomata—tamana, uoman tarina, aman tarin David, ao ai tarin David. E reke aia tai n taua te bwatua ao n rairaira baana. A ataia bwa bon iai te bwatua.

“Aia Koaua Taan Kakoaua ake Waniman”; Saints, 1:75

E a tabwanin ngkai rairan Ana Boki Moomon. E kaoka te bwatua koora Iotebwa nakon te anera ae Moronaai. Ngkai ai tain boretiakin kaobi n te boki bwa aonga aomata nako ni kona ni warekia ao n reiakina riki taekan Iesu Kristo.

Saints, 1:75–76

E bon korakora te mwane ae bane ibukin boretiakin Ana Boki Moomon. E anga mwakoron ana tabo n ununiki Martin Harris ibukin boon te boreti. E karaoa aio ibukina bwa e ataia ae e koaua Ana Boki Moomon. Ni kaobiin ni kabane te boki bon iai ana kakoaua Martin ao taan kakoaua ake tabeman ibukiia aomata ni kabane ni warekia. A bon aki kakewea aia kakoaua taan kakoaua.

Reirei ao Berita aika Tabu 19:26–27, 34–35; Saints, 1:76–78