Te Ikotaki nako Ohio

I Ohio, e mwaiti ao a mwaiti riki aomata aika a kaaina te Ekaretia. Te Uea e tuanga Iotebwa Timiti bwa Aika Itiaki ake a maeka n taabo ake tabeua a riai n ikotaki i Ohio. E na rang abwabwaki te mwananga. Ma te Uea e berita bwa imwiin ikotakiia, E na reireiniia Aika Itiaki Ana tua ao e na kakabwaiaia ma te mwaaka ni karaoan Ana mwakuri.

Reirei ao Berita aika Tabu 37; 38:32; Saints, 1:109–110

Tinan Iotebwa, Lucy, ao te kurubu ae kaniia 80 mwaitiia kain te Ekaretia a kiitanii mweengaia i New York ao a mwaing nako Ohio. A tokara te booti are e na uotiia nako ni mwakoron te kawai. Imwiin mwanangaia tabeua te bong, e tei aia booti. E tuukaki kawaia n te aiti ae matenten i nanon te ran.

Saints, 1:121–22

A tataningaa maenakon te aiti Aika Itiaki. A kua, baki, mwaimwai, ao a mariri.

Saints, 1:122

E rang kangaanga te tataninga. Tabeman mai ibuakoia Aika Itiaki a waaki n uneaki i marenaia.

Saints, 1:122

E aki tangiria n ongo aia uneaki Aika Itiaki. E ataia bwa e riai n taetae. “E nga ami onimaki?” e titiraki. E tuangiia Aika Itiaki Lucy ngkana a kona n tataro nakon te Atua. E na bon urua te aiti bwa aonga n reitanako kawaia.

Saints, 1:122–23

N te tai ae karina, a ongo te karongoa kangaa rurungaan te baa ngke e a maenako te aiti. E a uki te kawai n te aiti, ae bon tau rababana are e kona n rinanona aia booti.

Saints, 1:123

A bon kubanako Aika Itiaki ao a kakaitau. A ikotaki n tataro ao a karabwa Tamaia are i Karawa. E mwananga aia booti ma te kamanoaki ni kaineta Ohio.

Saints, 1:123

Ngke a roko Aika Itiaki i Ohio, kain te Ekaretia ikekei a butimwaiia ao a buokiia ni karekei aia tabo ni maeka. E kawakina ana berita te Uea n reireiniia Ana tua ao e anganaiia te mwaaka ni karaoa Ana mwakuri.

Reirei ao Berita aika Tabu 42; Saints, 1:126