“Te Mition nakoia Aomatan Amerika Ngkoa,” Karaki man Reirei ao Berita aika Tabu (2024)
“Te Mition nakoia Aomatan Amerika Ngkoa,” Karaki man Reirei ao Berita aika Tabu
Okitobwa 1830–Tianuare 1831
Te Mition nakoia Aomatan Amerika Ngkoa
Inria aika kaain Delaware a ongo te euangkerio
Imwiin bwabetitoan Parley Pratt, e weteia te Uea bwa e na raona Oliver Cowdery ao ake tabeman nako n te mition. E tangiriia bwa a na tataekina te euangkerio nakoia naake bon kaain te aba i Amerika. A mwananga mitinare inanon wiiki aika mwaiti rinanon te tinoo ae matenten. N tokina, a kaitibo ma Kikthawenund, mataniwiia Inria aika kaain Delaware.
Reirei ao Berita aika Tabu 28:14; 30:5–6; 32; Saints, 1:98, 115
E rangi ni iraorao te mataniwi nakoia mitinare. E kaoiia raoraona bwa a na ongo aia rongorongo. A taku Oliver ao Parley bwa a mwananga man te tabo ae raroa n uota nakoia Ana Boki Moomon. E taekina taekaia aomata ake a maeka iaon Amerika ngkoa. E tangiriia te Atua bwa a na tibwa te boki bwa aonga aomata n ataa taekan Iesu Kristo.
Saints, 1:115–16
E angan Kikthawenund kaobiin Ana Boki Moomon Oliver. E kakaitau bwa Oliver ao raoraona a roko man te tabo ae raroa n tibwaia ma ana aomata. E tuanga Oliver ao Parley bwa e tangiriia bwa a na manga oki ni warekia nakoia ao n reireiniia riki taekan Ana Boki Moomon.
Saints, 1:116–17