Kaikoakaia Iotebwa ao Sydney

Tabeman aomata a tangira ana reirei Iotebwa Timiti iaon Tamara are i Karawa ao Iesu Kristo, ao karawa. Ma aomata tabeman aki tangira te bwai are e tataekinna. Tabeman a un ao a tangiria bwa e na toki Iotebwa man ana angareirei.

Reirei ao Berita aika Tabu 76; Saints, 1:149–50

Te tairiki teuana, e bwakanako ana tai Iotebwa ni buoka Emma n tabeakina temanna natiia ae a tabekia ae te bwebwe. E rang n aoraki te teei.

Saints, 1:150

E anaa te teei Emma ao e tuanga Iotebwa bwa e na motirawa. E na riai ni kabwarabwara n te moaningabong. N tokina, a uaia ni matu Iotebwa ao Emma.

Saints, 1:150

E karina, n ukinako te mataroa, ao biri maane aikai n rin n te ruu. E tatakaarua Emma ngke a taua Iotebwa mwaane aikai mai angana, waena, ao iranatuuna. A katikia ni kaotinakoa man te auti.

Saints, 1:150–51

E kataia ni birinako Iotebwa mairouia mwaane aikai, ma a taua ni kamatoa. E noria Iotebwa bwa mwaane aikai a katikitika naba raraona are Sidney Rigdon man ana auti.

Saints, 1:151

A raeuaaka kunnikain Iotebwa ao a kabwaroa te korota ae bue, n kanimnim ni kabutaa kunna ma irannatuna. Imwiina a kabwaroa i aona te buraniman ao a birinako.

Saints, 1:152

Imwiin nakoia mwaane, e nakonako ni bebei n okira ana auti Iotebwa. E maaku Emma ngke e noora Iotebwa. Rao ake a maeka n uakaan a ongo te bwai ae riki ao a waekoa n roko n ibuobuoki. E kanakoa te korotaa Emma man kunin Iotebwa. N nikiran te tairiki, Emma ma raraona a ibuobuoki n tararuaia Iotebwa ao Sidney.

Reirei ao Berita aika Tabu 25:5; Saints, 1:153

Te bong are imwiina, e teimatoa ni mamaraki Iotebwa. Ma e karina oneana ao e reireiniia aomata n aia kurubu taekan Kristo. Tabeman aomata ake a kaikoakiia a ongora irouna ngke e angareirei. Imwiina n te bong anne, e bwabetitoia teniman aomata Iotebwa. E reitinako ni karaoa ana mwakuri te Uea, e ngae ngke a kataia ni katokia aomata.

Reirei ao Berita aika Tabu 24:8; Saints, 1:153