“Parley ao Thankful Pratt,” Karaki man Reirei ao Berita aika Tabu (2024)
“Parley ao Thankful Pratt,” Karaki man Reirei ao Berita aika Tabu
Aokati–Tebetembwa 1830
Parley ao Thankful Pratt
Onimaki n Iriira te Tamnei
Bon taan ununiki Parley ao Thankful Pratt. N te bong teuana, e namakinna Parley ae e tuangaki iroun te Tamnei bwa e na reireiniia aomata taekan te Baibara.
Saints, 1:92
A kabonakoa aia onaroka Parley ao Thankful. Aki ataia bwa a na nakea, ma a onimakina te Atua bwa E na kakabwaiaia ngkai a beku Ibukina.
Saints, 1:92
A uoti kunnikaia ao aia mwane Parley ao Thankful ao n toka iaon te booti. Ngke a mwananga nako rinanon New York, te Tamnei ae Raoiroi e tuanga Parley bwa e na ruo man te booti. Parley e tuanga Thankful bwa e na nako n akea ngaia. E berita bwa e na bon manga oki nakoina n te tai ae aki maan. E namakinna bwa bon iai te bwai ae tangiria te Atua bwa e na karaoia i New York.
Saints, 1:92
E mwananga n te kawai ae abwabwaki Parley. N tokina e a roko n ana auti te minita. Te minita e tuanga Parley taekan te boki ae kamiimii are e anganna temanna te aomata. E roko man bwatua koora ao e koreaki n taai ake rimoa. E aranaki bwa Ana Boki Moomon. Te kairake n ataeinimwaane i New York e rairia man mwaakan te Atua.
Saints, 1:92
Iai nanon Parley ni kan ataia raoi. E kaota te boki te minita nakon Parley. Ma te ingainga n nano, e kaukia Parley ao ni moana warekana. Imwin tabeua te aoa n nako, ma e aki toki ana wareware, e aki naba amwarake ke ni matu. E tuangnga Tamnein te Uea bwa e bon koaua.
Saints, 1:92–93
E rangi n tangira te boki Parly, e tangiria ni kakaea te aomata are e rairia. E rianna nakon aia onaroka te utu ae te Smith, are e a kaitibo iai ma Hyrum, ae tarin Iotebwa. A marooro inanon te tairiki anne. Hyrum e tuanga Parley bwa e bon koaua Ana Boki Moomon. e boni koaua. E angan Parley are bon ana boki.
Saints, 1:93
Inanon ana tai ni wareware, e reiakinna Parley bwa e roko Iesu Kristo ni kawariia aomata n te Aono n Amerika n taai ake rimoa. E kona n nooria Parley bwa Ana Boki Moomon e bobuaka riki nakon kaubwain te aonaaba ni kabane. E aki kona n tataninga ni kan oki nakon Thankful ao n tibwaia ma ngaia te bwai are e a tia n reiakinna.
Saints, 1:93; 3 Nephi 11:1–12
E tuanga Thankful ao kaain ana utu ake tabeman taekan Ana Boki Moomon. E tuangiia bwa tera are e reiakinaki n te boki iaon Iesu Kristo. E kukurei Thankful bwa Parley e ongo nakon te Tamnei ao ni kunea te mwakuri are E tangiria te Atua ibukina bwa e na karaoia. N aron Parley, e reiakinna naba Thankful bwa e bon koaua Ana Boki Moomon.
Saints, 1:98–99