“E Tibwaua Ana Boki Moomon Samuel Smith,” Karaki man Reirei ao Berita aika Tabu (2024)
“E Tibwaua Ana Boki Moomon Samuel Smith,” Karaki man Reirei ao Berita aika Tabu
1830–1832
E Tibwaua Ana Boki Moomon Samuel Smith
Te boki ae teuana e kakabwaiai maiuia aika mwaiti
E wetea Samuel Smith te Uea, tarin Iotebwa ae karimwiina, n nako n te mition n tibwaua te euangkerio. E kaitibo Samuel ma John ao Rhoda Greene ao e tuangiia taekan Ana Boki Moomon. Bon te tia kabwarabwara John n te ekaretia teuana. E taku bwa e na anaa kaobiin te boki ao n nooria ngkana iai n ana ekaretia ae tangiria ni kan warekia.
Saints, 1:99
Imwiin tabeua te namwakaina, e a manga oki Samuel. E taku Rhoda bwa e aki reke temanna iroun kainabana ae kan wareka Ana Boki Moomon. E kaokia nakon Samuel.
Saints, 1:99
E nanokawaki Samuel. He rairaki bwa e nang nako, ma e kateia Rhoda. E taku bwa e a tia ni wareka Ana Boki Moomon, ao e tangiria.
Saints, 1:99
E tuangaki Samuel iroun te Tamnei ae Raoiroi bwa e na kaoka te boki nakon Rhoda. “Butiia te Atua bwa E na anganiko te kakoaua,” E tuangnga Samuel. E reireina Rhoda taekan te Tamnei ae Raoiroi ao e kanga arona bwa e na ata Ana Boki Moomon bwa e koaua.
Moronaai 10:3–5; Saints, 1:99–100
E okira mweengana Samuel man ana mition. Akea ae e bwabetitoia, ao bon ti tabeman aomata aika a kukurei n Ana Boki Moomon.
A tataro Rhoda ao John, ao e tuangiia te Tamnei ae Raoiroi bwa e koaua Ana Boki Moomon. Imwiina Rhoda e tibwaua te boki ma mwanena ae, Brigham Young.
Saints, 1:100
Brigham ao raoraona ae, Heber Kimball, a kaman ukeuke ni kakaea Ana Ekaretia ni koaua Iesu. A wareka Ana Boki Moomon. A kamatebwai ao n tataro iaon Ana euangkerio Iesu Kristo n te maan ae riaon uoua te ririki.
N te tai aei, a nako Brigham ao Heber nakon te bootaki n te Ekaretia ma aia utu. N tain teuana te bootaki, E ongo ana koaua te mitinare Brigham ngke e tibwaia. E bon aki rangi ni bwaati te mitinare ni kabwarabwara, ma e namakina te Tamnei ae Raoiroi Brigham ngke e taetae. E ataia Brigham ae e taekina te koaua.
A bwabetitoaki Brigham, Heber, ao kainabaia, aika Miriam ao Vilate. A tangira aia Tia Kamaiu ao Ana Euangkerio. Ririki ake imwiina, te Uea e wetea Brigham ao Heber bwa a na riki bwa Ana Abotoro ao a beku n te mition. Ibukina bwa Samuel e tibwaua Ana Boki Moomon, a mwaiti aomata aika a kaaina Ana Ekaretia te Tia Kamaiu.
Reirei ao Berita aika Tabu 124:127–29; 17; Saints, 1:215–16