E Mwananga nako Nauvoo Jane Manning

A maeka Jane Manning ao ana utu n te tabo are tabeman aomata a ribaiia ao a ribuaka nakoia ibukin karan kuniia. Te bong teuana, e ongo ana reirei te mitinare Jane. E ataia bwa e koaua ana rongorongo. Bon te Tabati are imwiina, e a bwabetitoaki.

Saints, 1:500–501

A kaina naba te Ekaretia ana utu Jane. Te Uea e tangiriia Aika Itiaki bwa a na ikotaki i Nauvoo. E tangira te Uea Jane. Ngaia ma ana utu a tangiria n raoniia Aika Itiaki ake tabeman. Ngaia are a waakina mwanangaia nako Nauvoo.

Reirei ao Berita aika Tabu 124:25; Saints, 1:501

Ngkai mwakoron mwanangaia, a na toka n te booti. Angiia aomata iaon te booti a kona ni kabwakai kantokaia n tokin te mwananga. Ma tabeman mwaane a tuangiia ana utu Jane bwa a riai ni kabwakai kantokaia ni moan te mwananga. E aki tau aia mwane. Mwaane a karuoia man te booti, ao a nako ni kitaniia.

Saints, 1:501

Ana utu Jane a na bon mwananga naba 800 te maire, ke 1,300 te kiromita. A na rinuukan te karaanga ae nano n akea te buriiti. A na matu i tinaniku. Angiin te tai e bon rang mwaitorotoro. Ma ana utu Jane a bon nanomatoa n roko i Nauvoo. A kaungaia i bon irouia n anene ngke a rianna.

Saints, 1:501, 505–6

Jane ma ana utu a rianna ma a rianna ni karokoa a uruaki aia kau ao a ikoaki waeia. Ma ngke a tataro nakon te Atua ibukin ana ibuobuoki, E kamaoi waeia.

Saints, 1:505

A buokiia aomata ake a boo ma ngaiia n aia tai ni mwananga. A buoka naba kamarurungan te ataei ae aoraki ibukin aia onimaki.

Saints, 1:505–6

N tokin te tai, Jane ma ana utu a roko i Nauvoo! A bon kua ao kainnanoa te tabo ae a na tiku iai. Ngaia are a nakon ana auti Emma ao Iotebwa. Ngke e ongo Iotebwa te bwai are a tia n rinanona, e tuanga Jane, “E kakabwaiako te Atua. Kam mena ibuakoia raoraomi n te tai aei.” Iotebwa ao Emma a kaoa Jane bwa e na maeka ma ngaiia.

Saints, 1:506