“E beku Telii Ibukin te Uea,” Karaki man Reirei ao Berita aika Tabu (2024)
“E beku Telii Ibukin te Uea,” Karaki man Reirei ao Berita aika Tabu
Eberi 1844–Maati 1852
E Beku Telii Ibukin te Uea
Katean te Ekaretia i Tubuai
E maeka te aine ae arana Telii n te atimwakoro ae uarereke ae arana Tubuai. A roroko ni kawara Tabuai n tabetai mitinare man aro aika a kakaokoro, ma a aki titiku ni maan. N te bong teuana n 1844, e kukurei n ongo Telii bwa a tia n roko mitinare man Ana Ekaretia Iesu Kristo ibukiia Aika Itiaki ni Boong aika Kaitira i Tubuai.
Reirei ao Berita aika Tabu 1:1; 133:8
Bon iaon kawaia mitinare ni kawari aba ake a bubura riki. Ma a tangiria kaain Tubuai bwa a na tiku ao n reireia te euangkerio. A taekinna Telii ao bunna ae Nabota bwa a kona n tiku ni mwengaia mitinare. E kariaia temanna te mitinare ae Addison Pratt.
Saints, 1:573–74
A tibwai aia bwai ni kabane ma Addison. A reireinna bwa e na bwaati aia taetae. E reireia taekan Iesu Kristo Addison.
A tuangaki Telii ao Nabota iroun te Tamnei ae Raoiroi bwa e koaua ana euangkerio te Tia Kamaiu. Bon ngaiia moan aomata ni bwabetitoaki i Tubuai.
Saints, 1:573–74
A riki bwa raao ni koaua Telii, Nabota ao Addison. A kaai ni mwananga ao n reireia te euangkerio i Tubuai ao atimwakoro ake tabeua. Ngkana a kataia tabeman n tuangiia Aomata aika Itiaki i Tubuai bwa a riai n aki kaaina te Ekaretia, E reiakiniia Telii man koroboki aika tabu bwa e koaua te Ekaretia.
Saints, 2:27, 45
E tangiria ni buokiia aomata riki tabeman i Tubuai Telii n reiakina ana euangkerio Iesu Kristo. E katauraoi koroboki aika tabu ma anene ao e kaoiia kurubu aika a bubura bwa a na anene ma ngaia ni katoa tairiki. Aneneakin kunan Telii e buokiia aomata aika a mwaiti n reiakinaki man koroboki aika tabu n ururingi bwaai ake a tia n reiakinna.
Reirei ao Berita aika Tabu 25:12
Ririki ake imwiina, a mwaiti riki mitinare ake a roko i Tubuai, ni ikotaki ma ana utu Addison. E butimwaeiia Telii nakon mwengana. E mwakuri ma kainnaban Addison, ae Louisa, n beku ma ainen Tubuai.
Saints, 2:133–34
Tabeua te tai i mwiina, a kaumakaki mitinare bwa a na kitana Tubuai ao atimwakoro ake tabeua. Ma e teimatoa n reikiniia ao ni kairiia Aomata aika Itiaki Telii. Man ana katooto ao ana beku Telii, e teimatoa ni korakora te Ekaretia i Tubuai.
Saints, 2:150–51