“Miin Desideria,” Karaki man Reirei ao Berita aika Tabu (2024)
“Miin Desideria,” Karaki man Reirei ao Berita aika Tabu
1880–1886
Miin Desideria
Kairaki iroun te Uea i Mexico
E maeka Desideria Yáñez i Nopala, Mexico. N te tairiki teuana, e miia taekan e boki ae uarereke ae karaoaki n Kaawan Mexico Deideria. Aran te boki anne bon Voz de amonestación, ke Bwanaa ni Kauring. Ngke e uti Desideria, e ataia bwa e riai ni kakaea te boki anne.
Saints, 2:477
Ma e rangi n raroa te Kaawa ae Mexico, ao e a bon kara Desideria ngkana e na mwananga n te raroa anne n nako iai. E namakinna bwa e tangiria te Uea bwa e na kunea te boki anne. Ngaia are e a tuanga natina te mwaane ae José taekan miina. E kakoauaa natina te mwaane bwa e kakaawaki naba te boki. E tuanga tinana bwa e na kakaea te boki ibukina.
Saints, 2:478
Ngke e a roko José i Mexico City, e rangi ni mwaiti te mwamwananga inanon te kawai ao bwaai ake a karaoaki iai, te karongoa, ao e onrake irouia aomata. E na kanga ni kunea te boki n te tabo ae onorake irouia aomata?
Saints, 2:478
Tabeua te bong i mwiina, e kaitibo ma te mitinare José ae araba James Stewart. E taku James bwa e mwakuria boretian te boki ae arana Voz de amonestación.
Saints, 2:478
E rangi ni kukurei ma ni ingainga José! E tuanga James taekan miin tinana. E kabwarabwara James bwa a kona ni kabongana te boki ae Voz de amonestación mitinare n reireia aomata taekan Iesu Kristo ao te boki ae tabu ae boou ae Ana Boki Moomon.
Saints, 2:478
Voz de amonestación e tuai tia, ao e tuai rairaki Ana Boki Moomon nakon te taetae n Spanish. Ma e anga tabeua booki ao beebwa James nakon José are e na buokia ma tinana n reiakina taekan Iesu Kristo, Ana Boki Moomon, ao te ekaretia ae e a tia ni kaokaki.
Reirei ao Berita aika Tabu 90:11; Saints, 2:478–79
E waekoa n okira mwengana nakon tinana José. A kaai ni kamatebwaia te euangkerio, ao a ataia bwa e bon koaua. E tuangiia mitinare Desideria bwa a na roko ni bwabetitoia.
Saints, 2:479
Desideria bon ngaia te moan aine ni bwabetitoaki i Mexico. A bwabetitoaki naba José ao natina te aine.
Saints, 2:479
Ngke e tia karaoan te boki ae Voz de amonestación e karekea 10 te kaobi José ibukin tinana bwa e na tibwaia ma tabeman i Nopala. Tabeua ririki i mwiina, ngke e a tia ni boretiaki Ana Boki Moomon, bon te moan aomata Desideria i Mexico ae karekea te kaobi. E ataia neiei bwa e a tia ni kairia te Uea nakon Ana Ekaretia ae e a tia ni kaokaki.
Reirei ao Berita aika Tabu 88:81; Saints, 2:479