“A Kaitibo Newel ao Ann Whitney ma te Burabeti Iotebwa,” Karaki man Reirei ao Berita aika Tabu (2024)
“A Kaitibo Newel ao Ann Whitney ma te Burabeti Iotebwa,” Karaki man Reirei ao Berita aika Tabu
Okitobwa 1830–Beberuare 1831
A Kaitibo Newel ao Ann Whitney ma te Burabeti Iotebwa
Tataro n onimaki a kaekaki iroun te Uea
Iai aia titoa Ann ao Newel Whitney i Kirtland, Ohio. E aki ikawairake Ann n iriira te taromauri ke n reiakina taekan te Uea, ma e tangiria ni kina. Imwiin mareakin neiei ao Newel, a tataro n taai aika a mwaiti ao a bubutia te Uea bwa e na kairiia.
Saints, 1:111–12
Te tairiki teuana ngke a tataro, a noora te mii ni burabeti Ann ao Newel. Inanon te mii ni burabeti, e toka te nang e toka iaon aia auti. A kaonaki n Tamnein te Atua. A otabwaniniaki n te nang. Imwiina a ongo te bwanaa mai karawa. E tuangiia, “Tauraoi ni karekea ana taeka te Uea, bwa e nang roko.”
Saints, 1:111
Teutana te tai imwiina, e a roko Parley Pratt i Kirtland. A reirei ngaia ma toana taekan ana euangkerio Iesu Kristo. N te tai are e ongo iai Ann te bwai are a reireia, e ataia bwa e bon koaua. E okira mweengana ao n tibwa te rongorongo ma Newel. E aki maan i mwiina ao a bwabetitoaki.
Saints, 1:112
Uoua te namwakaina imwiina, a roko te mwaane ao te aine n ana titoa Newel. E aki kinaia Newel, ma e taua bain Newel te mwaane ao e wetea arana. E taku te mwaane, “Ngai Iotebwa ae te burabeti.” E kabwarabwara bwa te Uea e a tia ni kaekaa ana tataro Newel. E a tia ni kanakoa Emma ao Iotebwa bwa a na kaitibo ma Ann ao Newel.
Saints, 1:113
A ataia Newel ao Ann bwa e a koro bukin te mii are anganaki. A tuangiia Iotebwa ao Emma bwa a na tiku irarikiia ni mweengaia. Ann ao Newel a tatangira Iesu ao Ana euangkerio. A anga ni kabane ake iai irouia nakoia Aika Itiaki ao nakon ana Ekaretia te Tia Kamaiu.
Reirei ao Berita aika Tabu 38:23–27, 34–42; Saints, 1:114