“A Karaoa Aia Mwakuri ni Mitinare Abotoro nako Buritan,” Karaki man Reirei ao Berita aika Tabu (2024)
“A Karaoa Aia Mwakuri ni Mitinare Abotoro nako Buritan,” Karaki man Reirei ao Berita aika Tabu
Turai 1838–Turai 1841
A Karaoa Aia Mwakuri ni Mitinare Abotoro nako Buritan
Onimakinan ana berita te Uea
N te kaotioti nakon Iotebwa Timiti, e weteia Abotoro te Uea ibukin te mitinarebwa a na nakon te mition n rinuukan te marawa nako Buritan. E ngae ngke e kangaanga iroun Iotebwa bwa e na kanakoia ni kararoaia Abotoro, ma e onimakina te Uea. E bon kangaanga naba irouia Abotoro bwa a na kitaniia aia utu. Ma e berita te Uea bwa e na kakabwaiaia.
Reirei ao Berita aika Tabu 118
Heber C. Kimball ma kainnabana, Vilate, tibwa kakatei utu. Iai natiia ae ai tibwa teuana ana namwakaina. Angiia kain aia utu a bon rootaki n te aoraki.
Aika Itiaki, 1:405
E bon aoraki naba Bringham Young, ao a rangi ni maiu ni kainnano ana utu. Ma e tuangnga buuna ae Mary Ann, “Waakinako karaoa nanon am mwakuri ni mitinare, ao e na kakabwaiako te Uea.”
Aika Itiaki, 1:404–5
E waaki nako ni mwangana Brigham e, ma ngke e roko n ana auti Heber, e a bon rangi ni mamaara n aki kona n nakonako. E tiku irarikiia ana utu Heber inanon tabeua te bong.
Aika Itiaki, 1:405
E roko Mary Ann n tabekina Brigham ni karokoa ae ngaia ma Heber a marurung raoi ni kona ni mwananga. A bon uaia n rangi ni mamaara, ma a tangiria n tataekina te euangkerio.
Aika Itiaki, 1:405
A kaboo nakoia buuia Heber ao Brigham ao a tamwarake i akuun aia waekon. A nanokawaki ni kitaniia aia utu aika a rangi n aoraki man kainnano. Ngke e butinako aia waekon, e taku Heber nakon Brigham,, “Aei e a bon rangi kangaanga.” E tangiria ni buokiia ana utu bwa a na namakina te ninikoria. E tuanga te tia kabuta te waekoan Heber bwa e na tei.
Aika Itiaki, 1:405–6
Mai inanon te auti, e ongo te karongoa Vilate. E nakon te mataroa, are e tei iai Mary Ann. A noriia Heber ao Brigham n tei i akuun te waekon, ni katiotioi bwaraia n te eea ao n takarua, “Hurrah! Hurrah! Hurrah ibukin Iteraera!” A kaeka aine nakoia, “Tia boo! E kakabwaiai ngkami te Atua!”
Aika Itiaki, 1:406
Imwiin te mwananga ae maan i nanon marawa, a roko i Buritan Heber ao Brigham. Ma raoia Abotoro ake tabeman, a reireiniia aomata aika a bati taekan Iesu Kristo ao Ana euangkerio. Nga ma ngaa aomata ake a bwabetitoaki ao a kaina ana Ekaretia te Tia Kamaiu.
Aika Itiaki, 1:408–11
Angiina aomata ake a bwabetitoaki i Great Britain a mwaing nako Nauvoo ni buoka katean te kaawa ao te tembora. E kawakina Ana berita te Uea n tararuaia aia utu Heber ao Brigham ngke a karaoa aia mwakuri Ibukina bwa mitinare ngaiia.
Aika Itiaki, 1:437–39