Lucy Morley ao Ana Utu

N te bong teuana, Lucy Morley ae 15 ana ririki e buoka kaain rarikina, Abigail Daniels, ni ituui kunnikai. Ngke a mwakuri, a ongo te karebwerebwe iaon te mataroa. Bon mitinare aika teniman. Abigail e butimwaiia ni kariniia. A taku bwa e kanakoiia Iesu Kristo bwa a na tibwa te rongorongo ma ngaiia.

Saints, 1:102–3

Mwaane aikai a tuanga Abigail ao Lucy bwa E a tia Iesu ni wetea Iotebwa Timiti bwa te burabeti. A tuangiia naba taekan Ana Boki Moomon.

Saints, 1:103

E rangi ni miimii Lucy, bwa e rangi n uun Abigail. E tuangiia mitinare bwa a na kitana ana auti.

Saints, 1:103

E ataia Lucy bwa mitinare aikai bon ana toro te Atua. E tuangia bwa a na kawaria ana utu ake a mena n te tabo naba anne. “E maeka tamau teuana te maire mai ikai,” e taku. “Nakoina ao are kam na kamwarakeaki ao ni buokaki.”

Saints, 1:103–4

E eti are e taku Lucy. A kamwarakeaki n te amwarake ae tamaroa n aia onaroka ana utu Morley. Ana karo Lucy bon raoraon Sidney Rigdon. A kakoauaa bwa e tangiria Iesu bwa a na tibwai ni kabane aia bwai ma tabeman. A kaoiia mitinare bwa a na reireiniia ma raoraoiia.

Saints, 1:104

N te tairiki anne, tao n te nukanibong, 17 aomata aika a bwabetitoaki. Ni boong ake imwiina, 50 riki aomata aika a roko nakon ana onaroka Morley n ongoraa irouia mitinare, ao a tua bwa a na bwabetitoaki. Ao bon raoraon naba Lucy are Abigail Daniels e bita nanona iaoia mitinare. Ngaia ao kainabana a baireia bwa a na kaina te Ekaretia.

Saints, 1:105; Reirei ao Berita aika Tabu 20:25, 37