“A Reiakina Taekan Karawa Iotebwa ao Sidney,” Karaki man Reirei ao Berita aika Tabu (2024)
“A Reiakina Taekan Karawa Iotebwa ao Sidney,” Karaki man Reirei ao Berita aika Tabu
Beberuare 1832
A Reiakina Taekan Karawa Iotebwa ao Sidney
Te mii n taekan ana kakabwaia te Atua ibukiia Natina
Te bong teuana ao a wareware n te Baibara Iotebwa Timiti ao Sidney Rigdon. A wareka taekan te bwai ae e na riki nakoia aomata i mwiin mateia. A iangoa te bwai are a warekia Iotebwa ao Sidney, ao a tangiria ni kan reiakina ae mwaiti riki.
Reirei ao Berita aika Tabu 76:11–18
Te Uea e anganiia te mii ae moan te tamaroa. A noora Tamara are i Karawa ao Iesu Kristo ni katobibiaki irouia anera. A ongo te bwana ae taekinna bwa Iesu bon Natin te Atua. E taku te bwana bwa Iesu e mate ibukira ao imwiina e manga uti—E manga maiu. Ibukina bwa E mangauti, ngaira naba ti na mangauti.
Reirei ao Berita aika Tabu 76:19–24, 39–43
A ataia Iotebwa ao Sidney bwa imwiina ngkana ti mangauti, ti na maeka inanon teuana te tabo i karawa, ae a aranaki bwa abanuea. Aomata ake a aki butimwaea ana euangkerio Iesu Kristo a na nakon te abanuea ae te teretio. E kabotaua te Uea te abanuea aei nakon otan itoi.
Reirei ao Berita aika Tabu 76:81–86
A reiakina naba taekan te abanuea ae aranaki bwa te abanuea ae teretirio Iotebwa ao Sidney. Te abanuea aei bon ibukiia aomata ake a maiuakina te maiu ae raoiraoi ma aki ongeaba nakon ana euangkerio Iesu Kristo. A bon aki korakora aia onimaki Irouna. E kabotaua te abanuea aei te Uea nakon otan namwakaina.
Reirei ao Berita aika Tabu 76:71–80
Te kabanea n rietata n abanuea bon te abanuea ae tiretio. Aomata ake n te abanuea aei a karaoi berita, ke a tuea, ma te Atua ao a kawakin aia berita. A raira nanoia ao a iriira Iesu Kristo. A maeka ma Tamara are i Karawa ao Iesu n aki toki ao a riki n ai Aroia. E kabotaua te abanuea aei nakon otan taai te Uea.
Reirei ao Berita aika Tabu 76:50–70
E tuanga Iotebwa ao Sidney te Uea bwa a na aki tibwai bwaai ni kabane ake a noori ni miia. Ma E tangiriia bwa a na korei taekan tabeua mai iai ao n tibwaia ma tabeman. A mwaiti membwa n te Ekaretia ake a ingainga nanoia ni kan tuangiia aomata taekan te mii.
Reirei ao Berita aika Tabu 76:113–119; Saints, 1:149–50
Ma tabeman aomata a ribaa te mii ni burabeti. E bon kaokoro ma te bwai are a kakoaua. Ma angiina Aika Itiaki a karabwarabwa ngkai a ata taekan te kaotioti aei. E kaotaki nakoia bwa Tamara are i Karawa e tangiriia Natina ao e karaoa te kawai ibukiia bwa a na oki NakoIna.
Saints, 1:149–50