E katabuaki te Tembora i Kirtland

Imwiin te maan ae kaniia teniua te ririki ni mwakuri korakora, n tokina e a tia te Kirtland Tembora. Te Burabeti Iotebwa e kaoia Aika Itiaki nakon te boowi ae onoti ibukin katabuan te tembora. E na anga te tataro ae onoti ao n anga te tembora nakon te Uea. E na riki bwa ana auti te Uea ae mimitong.

Saints, 1:235

Ni karangainan te moaningabong n tain te bootaki, bubua Aika a Itiaki ake a ibetutu inanon te tembora. Ngke a bane n on kaintekateka, aomata a tei n te tabo n rin ao i tinaniku, n taratara rinanon winto. Aomata nako a ingainga n noora katabuan te tembora.

Saints, 1:235–36

E wareka te tataro ni katabua te tembora Iotebwa. E tuanga te Uea bwa a tia n ongotaeka nakoina aomata Aika Itiaki. E butiia te Uea bwa e na butimwaea te tembora bwa Ana auti.

Reirei ao Berita aika Tabu 109:1–5

E tataro Iotebwa bwa aomata nako ake a roko n te tembora a na namakina mwaakan te Uea ao n ataia bwa bon Ana auti.

Reirei ao Berita aika Tabu 109:13

E tataro naba Iotebwa bwa ngkana a tia ni kairua aomata Aika Itiaki, a na waekoa n rairi nanoia n te tai ae waekoa. E bubutia te Uea bwa e na anganiia te mwaaka bwa a na tibwa Ana euangkerio nakon te aonaaba ni kabane. Imwiin te tataro, te kuaea e anenea te kuna ae boou ae aranaki “Tamnein te Atua.” A kaonaki n te kimwareirei aomata. A tei ao a neboa te Uea.

Reirei ao Berita aika Tabu 109:21–32; Boki n Anene, nambwa. 2; Saints, 1:237

A mwaiti aomata ake a noriia anera n te tembora n te bong anne. A noora te ota ae raneanea n ruo rikaaki mai karawa nako aon te tembora. A taku tabeman aomata bwa kaanga taraan te nang, ao tabeman a taku bwa ai aron taraan te ai. A bane n namakinna bwa te tembora bon te tabo ae tabu. Bon ngaia ni koaua ana auti te Uea.

Saints, 1:237