Te Bootaki n Aine

Aine ake i Nauvoo a beku ibukin te Uea

Margaret Cook ao Sarah Kimball a tabe ni maroroakina te tembora ae e boou are e na kataeaki i Nauvoo.<sub></sub>

E maeka Margaret Cook i Nauvoo. E mwakuri ibukin Sarah Kimball, ni buokia n itutu. Ngkana e mwakuri, a tatangira ni maroroakina taekan te tembora ae boou are e a kateaki i Nauvoo. A rangi n ingainga ibukin te tembora.

Aika Itiaki, 1:447

E nooria Margaret bwa taan mwakuri n te tembora a kabonganai kunnikai aika a mane.

N te bong teuana, e nooria Margaret bwa a mwaiti mwaane aika a katea te tembora aika a kabonganai kunnikai aika a mane ao a raeuaaki. E kan ataia ngkana ngaia ao Sarah a kona n kaai ni mwakuri n itui kabaraaki aika a boou ibukiia mwane. E kukurei Sarah n te iango aei. Ngaia ao Margaret a taetae nakoia aine ake tabeman ibukin katean aia kurubu ni buokiia taan mwakuri.

Aika Itiaki, 1:447–48

E kaitibo Iotebwa Timiti ma Margaret, Sarah, ao tabeman ni katea te Bootaki n Aine n te Ekaretia.

E taku te Burabeti Iotebwa bwa e kukurei te Uea n aia iango, ao iai riki te bwai ae tamaroa ae E katauraoia ibukiia. E kaoiia aine Iotebwa bwa a na kaitibo ma ngaia ni Maati 17, 1842. Ni kabonganakin te kariaia n te nakoanibonga, e barongaia aine n te Ekaretia. A baireia n arana aia kurubu bwa Ainen te Bootaki n Aine i Nauvoo.

Aika Itiaki, 1:448, 450–51

Margaret ngke e taetae nakoia aine aika uoman.

E tuanga te Bootaki n Aine Iotebwa bwa a na buokiia aomata ni katauraoia ibukin te kakabwaia n te tembora ao te maiu ae akea tokina. A na riai n riki bwa banna ni kakatoto n iriira Iesu.

Aika Itiaki, 1:451

Membwa n te Bootaki n Aine a uotii amwarake nakoia te utu aika a kainnano.

E taekinna naba Iotebwa bwa te Bootaki n Aine e riai ni kakaaia aomata aika a kainnano ao ni buokiia. Aine naba aika a kainnano a tangiria ni buokiia aomata aika a kainnanoa buokaia.

Aika Itiaki, 1:449

E a barongaaki te Bootaki n Aine.<sub></sub>

E a tei te Bootaki n Aine. E weteaki Emma Timiti bwa e na riki bwa te beretitenti. E weteia uoman ana kauntira, Sarah Cleveland ao Ann Whitney. E wetea naba te tia koroboki, Eliza R. Snow.

Aika Itiaki, 1:450

Emma ngke e reireiniia aine n te Bootaki n Aine.<sub></sub>

E buoka Emma te Uea ni kakoroa bukin nakoana. E reireiniia aine Emma bwa a kona ni karaoi bwaai aika a bubura ngkai a beku ibukin te Uea. E tangiria bwa n tatabemaniia a na tarai kawai ni karaoan ae raoiroi. Ae kakaawaki riki, e tuangiia, bwa a na tangiriia aomata n aron are e karaoia Iesu. A mwaiti aine ake a kaaina te Bootaki n Aine i Nauvoo.

Reirei ao Berita aika Tabu 25:3, 7; Aika Itiaki, 1:451

Tamneia aine n aroia ni buokiia aomata ni katobibia te aonaaba.

A buokiia aomata ni katauraoi ibukin kakabwaia n te tembora ao ni buokiia utu aika a mwaiti ake a kainnanoa buokaia i Nauvoo. Man te tai anne, a kaaina te Bootaki n Aine ni kabuta te aonaaba aine ni kabane. A reitinako ni buokiia aomata ao ni buokiia ni karekei kakabwaia n te tembora.

Aika Itiaki, 1:451