Te Mare ao Utu aika Akea Tokiia

Ngke a mare Emma ao Iotebwa, a kakoaua bwa aia mare e na toki ngkana a mate. Aio aron taian mare ni kabane. Ma imwiina e tua te Uea nakon Iotebwa bwa te mare ao te utu a kona n teimatoa n akea tokiia.

Aika itiaki, 1:413

E reireina Iotebwa te Uea taekan te mare ae akea tokina. Rinanon mwaakan te nakoanibonga, te mwane ao te aine a kona ni karaoa aia berita ma te Uea. Ngkana a kawakina aia berita, e berita te Uea bwa aia mare e na akea tokina. Aio are e aranaki bwa te kabaeaki. N te tai ae waekoa, Iotebwa ao Emma a kabaeaki n akea tokina.

Reirei ao Berita aika Tabu 132:7, 19–24; Aika Itiaki, 1:413, 432–33, 481–82, 492, 502–3

E reiakinna naba Iotebwa bwa ngkana te mwane ao te aine a kabaeaki, a na kabaeaki naba natiia nakoiia. Ibukin mwaakan Iesu Kristo, e na teimatoa aia utu n akea tokina. Ngke e tuangiia Aika Itiaki Iotebwa taekan te kakabwaia aei, a taonaki n te kukurei ae bati! A bon aki kona n tataninga nakon ikotakiia ni kabaeaki.

Reirei ao Berita aika Tabu 131:2; 132:6–7; Aika Itiaki, 1:492–93, 580

E reirei te Uea imwiina bwa te kabaeaki anne e na bon karaoaki n te tembora. A mwakuri korakora Aika itiaki ni katia te tembora i Nauvoo bwa aonga ni bane ni kabaeaki. Ngke e a tauraoi te tembora, a mwaiti utu aika a na kabaeaki. A kona naba ni kabaeaki nakoia kain aia utu ake a tia ni mate. A rangi ni kakaitau ibukin te kakabwaia aei!

Aika Itaki, 1:579–80