E Kawara Iotebwa Timiti Te Anera Moronaai

Teniua te ririki n nako mai mwiin ana Moan Mii ni Burabeti Iotebwa Timiti. E namakina te aki nakoraoi Iotebwa n tabeua kaairua are e a tia ni karaoi. E iangoia bwa tera ana namakin te Atua ibukina.

Iotebwa Timiti—Rongorongo 1:28–29; Aika Itiaki, 1:20

Teuana te tairiki, ngke a bane ni matu te koraki, e iangoia n tataro Iotebwa. E a tia ni kaekaa ana tataro te Atua mai mwaina, ao e ataia Iotebwa bwa E na manga kaekai riki.

Iotebwa Timiti—Rongorongo 1:29; Aika Itiaki, 1:21–22

Ngke e tabe n tataro Iotebwa, e kaona nanon te ruu te oota. E noora te anera Iotebwa ae e tei n te eea irarikin ana kainiwene. E taku te anera bwa arana bon Moronaai. E kanakomaia te Atua. E taku bwa te Atua e a tia ni kabwarai ana bure Iotebwa ao iai ana mwakuri ibukina ae e na karaoia. Aomata ni kabuta te aonaaba a na ataa taekan Iotebwa ao ana mwakuri te Atua are e anganna.

Iotebwa Timiti—Rongorongo 1:30–33

E taku Moronaai bwa iai te boki ae karaoki man te koora. E taunaki i aon te tabuki ae uakaan ma mweengan Iotebwa. Te boki bon taekan rongorongoia aomata ake a maeka n aonon Amerika n taai ake ngkoa. A ataa taekan rongorongon Iesu Kristo ao Ana euangkeriro. E taku Moronaai bwa te Atua e na buoka Iotebwa n raira te boki bwa aonga aomata ni kona ni warekia.

Iotebwa Timiti—Rongorongo 1:34, 46

E kawaria Moronaai teniua te tai n te tairiki anne ao teuana riki n te bong are imwina. E tuanga tamana Iotebwa te bwai are e a tia n nooria. E kukurei taman Iotebwa. “Bon te mii ni burabeti mai iroun te Atua,” e tuanga Iotebwa.

Iotebwa Timiti—Rongorongo 1:35–50; Aika Itiaki, 1:22–25

E nakon te tabuki Iotebwa ao e kunei taian bwaatua koora iaan te atiibu ae rawawata. Ngke e nang anai, e iangoa taekana bwa mwaitira te mwane ae e na bane ibukin boona. E roko Moronaai ao e tuanga Iotebwa e tuai n tauraoi n anai taian bwaataua. E tuanga Iotebwa bwa e na roko nakon te tabo aei ni katoa ririki ni karokoa e a bon tauraoi.

Iotebwa Timiti—Rongorongo 1:51–54; Aika Itiaki, 1:25–27