“A Karekei Kiingin te Nakoanibonga Iotebwa ao Oliver,” Karaki man Reirei ao Berita aika Tabu (2024)
“A Karekei Kiingin te Nakoanibonga Iotebwa ao Oliver,” Karaki man Reirei ao Berita aika Tabu
Eberi 1836
A Karekei Kiingin te Nakoanibonga Iotebwa ao Oliver
A roko n te Tembora are i Kirtland Iesu Kristo ao anera
Teuana te wiiki imwiin katabuan te tembora i Kirtland, te ngaa aomata Aika Itiaki ake a kaitibo i nanon te tembora n taromauria te Tia Kamaiu. Bon Tabatin te Itita. A anga te toa nakoia Aomata aika Itiaki Iotebwa Timiti, Oliver Cowdery, ao Abotoro ake Tengaun ma Uoman.
Reirei ao Berita aika Tabu 110, atuun te mwakoro.; Saints, 1:239
Imwiin te bootaki n toa, a kunea te tabo ae rau i nanon te tembora Iotebwa ao Oliver, i akuun te keeten, n tataro iai.
Reirei ao Berita aika Tabu 110, atuun te mwakoro.; Saints, 1:239
Ngke a tia n tataro, a tararake. E tei i etaia Iesu Kristo! E ataia bwa a tia n rangi ni mwakuri korakora Aomata aika Itiaki ni katea te tembora. E taku “I a tia ni butimwaea te auti aei,”. E tuangiia Iotebwa ao Oliver Iesu bwa e na uota te kimwareirei ae korakora nakoia aomata aika a mwaiti kakabwaia man te tembora.
Reirei ao Berita aika Tabu 110:1-10
Imwiin nakon Iesu, e kaoti te burabeti man te O Tetamenti ae Mote nakoia Iotebwa ao Oliver. E anganiia kiingin te nakoanibonga ni ikotakiia Iteraera. E nanonaki n aei bwa a na kona ni kaira te mwakuri ni tibwaan te euangkerio. A kona ni kanakoia mitinare ni kabuta te aonaaba ni kairiia aomata nakon ana Ekaretia te Tia Kamaiu.
Reirei ao Berita aika Tabu 110:11
Imwina, e kaoti te burabeti ae Eriati. E angan Iotebwa ao Oliver te kiing ibukin kaokan te mwioko n tararua n te euangkerio are e anganaki Aberaam. E nanonaki n aei bwa Aika Itiaki a kona ni karekea mairoun te Uea te berita are e a tia ni karekea naba Aberaam. A na kona ni karekea te mwaaka n uota te euangkerio ao ana kakabwaia te Atua nakoia aomata n taabo nako i nanon ririki aika a mwaiti aika a na roko.
Reirei ao Berita aika Tabu 110:12
N kabaneana, e kaoti te burabeti ae Eria. E angan Iotebwa ao Oliver kiingin te nakoanibonga ni kabaebae, ke ni botiia, utu ibukin te tai ae akea tokina. A na butimwaeaki i karawa mwakuri ake a karaoia Aomata aika Itiaki i nanon taian tembora. Ngkai e a reke te mwaaka inanon bain te Ekaretia ni karaoa ana mwakuri te Tia Kamaiu ao ni katauraoi i mwaain manga rokona nakon te aonaaba.