E Buoka Iotebwa Martin Harris

Te bong teuana, ngke a maeka i Pennsylvania Iotebwa ao Emma, e roko ni kawariia te rao ae arana Martin Harris. Martin bon iai ana tabo ni man ae bubura i New York. E ataa taekan ana mwakuri Iotebwa ma taian bwaatua koora. E a tia ni buoka Iotebwa mai mwaaina, ao ngkai e tangiria ni kan ataia ngkana iai riki ae e na konaa ni buokia iai.

Aika Itiaki, 1:49

A rangi ni kakaitau Iotebwa ao Emma. A mwaiti aomata ake a kakewea Iotebwa. E rangi n tamaroa karekean te rao n aron Martin are e kakoauai taian bwaatua koora bwa a koaua.

Aika Itiaki, 1:49

Ngke e rairii taian bwaatua Iotebwa, e koroi bwaai ake e taekinna Martin. E bon kukurei Martin ni buoka te Uea ma te mwakuri ae korakora aei.

Aika Itiaki, 1:50

Kainaban Martin ae Lucy, e bon aki kukurei. E aki kakoaua raoi Iotebwa ae iai irouna taian bwaatua koora. E taku n ana iango bwa Iotebwa e bon kamwanea Martin. E tangiria Martin bwa e na oki nako New Your ao e na katoka buokan Iotebwa.

Aika Itiaki, 1:49–50

Ma Martin e waakinako ni mwakuri ma Iotebwa. E iangoia bwa ngkana e kona Lucy ni warekii bwa tera are a mwakuri iaona, e na bon kakoaua naba. E tuanga Iotebwa ngkana e kona ni uotii iteraniba ake a tia n rairaki nako New You ni kaotia nakon buuna. E tuangnga Iotebwa bwa e na tataro ni butiia te Atua.

Aika Itiaki, 1:50–51

E tuangaki Iotebwa iroun te Atua bwa e na aki angan Martin taian iteraniba. E a manga butiia riki Iotebwa bwa e na manga tataro riki. E tataro Iotebwa ao e karekea te kaeka ae titeboo. Ma Martin e rang tangiria ni kaotii iteraniba nakon buuna, ao Iotebwa e tangiria ni buoka raoraona. E tataro Iotebwa te kateniua n tai. N te tai aei e a tuanga te Atua Iotebwa bwa e na bairea te bwai ae e na karaoia.

Aika Itiaki, 1:51

E tuanga Martin Iotebwa bwa e kona ni uotii taian iteraniba nako New York, ma e na tii kaotia nakoia ana utu. Ao e riaii ni uotii taian iteraniba ni kaokii inanon uoua te wiiki. E kariaia Martin ao e nako ma taian iteraniba.

Aika Itiaki, 1:51

Ngke e a nako Martin, e bungiaki natiia Iotebwa ao Emma. Ma e mate te teei ngke e bungiaki ao Emma e aki marurung. A rangi n nanokawakiEmma ao Iotebwa.

Aika Itiaki, 1:51–52

E raraoma Iotebwa iroun Emma. E raraoma naba iroun Martin. E a nako uoua te wiiki, ao Martin e tuai man oki. E a raraoma naba Emma.

Aika Itiaki, 1:52

Emma e tuanga Iotebwa bwa e na nako New York ni kakaea Martin. E kaitibo Iotebwa ma Martin ni mweengaia ana karo. Ngke e titirakina Martin taekan taian iteraniba Iotebwa, e bon rangi n nanokawaki Martin. E taku bwa a bua taian iteraniba. E kakaea n tabo nako ma e aki kona ni kunei. .

Aika Itiaki, 1:52–53

E bon rangi n nanokawaki Iotebwa ao ni maaku. E ataia e bon bure ngke e angan Martin taian iteraniba bwa e na uotii. E okira mweengana ao e tuanga Emaa te bwai ae riki. E roko te Anera Moronaai ao ni uotii nako taian bwaatua koora. E taku bwa ngkana e nanorinano ao rairananona Iotebwa, e na kona ni karekei taian bwaatua ao ni manga rairi riki.

Reirei ao Berita aika Tabu 3:5–11; 10:1–3; Aika Itiaki, 1:53–54

I nanon wiiki aika mwaiti, e iangoa taekan te bwai ae e tia ni karaoia ae bure Iotebwa. E tataro ao ni bubuti kabwaraan ana bure. E kabwara ana bure te Atua. E tuanga Iotebwa bwa taian iteraniba a tia ni iraeaki irouiia aomata ake a kataia ni katoka ana mwakuri te Atua. Ma bon akea ae kona ni katoka ana mwakuri te Atua. Iai ana babaire te Atua n reitanako Ana mwakuri.

Reirei ao Berita aika Tabu 3:1–10; Aika Itiaki, 1:54–55

Moronaai ngke e kaokii bwaatua koora nakon Iotebwa. E tuangiia Iotebwa ao Martin te Atua bwa ngkana a nanorinano ao ni Kakoaua, a na kona ni waaki ni buoka Ana mwakuri ni kawai aika a mwaiti. A na kona ni buoka uotiraken Ana Boki Moomon nakon te aonaaba. Te boki aei e na buokiia aomata n taabo nako n rairinanoia ao ni kakoaua iroun Iesu Kristo.

Reirei ao Berita aika Tabu 3:16–20; 5:21–35; Aika Itiaki, 1:56–57