“Ana Utu Iotebwa Timiti,” Reirei ao Berita aika Tabun (2024)
“Ana Utu Iotebwa Timiti,” Karaki man Reirei ao Berita aika Tabu
1805–1817
Ana Utu Iotebwa Timiti
Te Utu n Onimaki
E bungiaki Iotebwa Timiti n Ritembwa 23, 1805, i meang maeaon te United State. Aran tamana bon Iotebwa naba. Aran tinana bon Lucy. A mwaiti tarina ao mwanena. Bon taan kawakin man ana utu Iotebwa. A onimaki iroun te Atua ao a tangiriia i marenaia.
Iotebwa Timiti—Rongorongo 1:3–4
Ngke te ataenimwaane Iotebwa, iai aorakina are e karika te kangaanga ni waena. E korakora marakina. A kataia ni buokia ni kamarurunga ana utu, ma e teimatoa korakoran marakin waena. A kataia taokita ni kamarurunga waena, ma aki konaa.
Aika Itiaki, 1:7
E taku te taokita bwa a tangiria ni korea waena bwa e aonga ni maiu. Ma e bon aki kariaia tinana. E tuangiia ngkana iai riki te kawai teuana are e na buokaki Iotebwa iai. A iangoia taokita ni korea mwakoron te rii man waena. E ataia Iotebwa e na kammaraki, ma iai ana onimaki bwa e na buokiia te Atua.
Aika Itiaki, 1:7
A tangiria taokita n angan Iotebwa te arekooro bwa e na nimma bwa e na aki namakina te maraki. Ma e rawa Iotebwa. E tii tangira tamana bwa e na taua.
Aika Itiaki, 1:7
E tunga tinana bwa e na nako tinaniku. E aki tangiria n nooria ma marakina ae bati ngkana a korea waena taokita.
E taua Iotebwa tamana ngke a korea mwakoron te rii ae buakaka man waena taokita. Aio are e rang maraki, ma e buoka Iotebwa te Atua bwa e na ninikoria. I mwiin tabeua te ririki, e a tamaroa waen Iotebwa, ma e bon maraki ngkana e nakonako.
Aika Itiaki, 1:6–7
Ngke e a ikawai Iotebwa, a mwaing ana utu nako New York. A bon maiu ni kainnano ana utu Iotebwa. A mwakuri korakora ni karekea kanaia ae tau ibukiia aia utu. Bon te teeinimwaane ae raoiroi Iotebwa. E bon kukurei ao e tangiria ni ngarengare ao ni karekea ungana.
Aika Itiaki, 1:5–9
A tangira Iesu Kristo ana utu Iotebwa. A uaia n tataro ao ni wareka te Baibara. Ma ana karo Iotebwa aki rangi ni koaua bwa tera te aro ae a na kaainna. Te tairiki teuana, tinan Iotebwa, Lucy, e tataro ao e tuanga te Atua bwa e tangiria ni kakaea ana Ekaretia Iesu Kristo ae koaua. E kaekaa ana tataro ao ni berita bwa e na bon karekea.
Aika Itiaki, 1:10–11