Te Utu ae Martins

E buti n oki nakon mwengana man ana mwakuri Helvécio Martins i Rio de Janeiro, Brazil. E a rangi n onrake te kawai n taian kaa n te aro are ai akea te kaa ae kona ni buti. E iangoa aron maiuna Helvécio. E rangi n tamaroa ana mwakuri. E tangira buuna ae Rudá, ao natina uoman aika Marcus ao Marisa. Ma e namakinna bwa iai te bwai ae akea irouna.

Saints, 4:229–30

E otinako Helvécio man ana kaa ao ni moana ana tataro. E taku “Atuau, I ataia bwa ko bon mena ikai, ma I aki ataia bwa n te tabo raa.” E tuanga Tamana are i Karawa bwa e ukoukora te bwai teuana ana utu, ao a kainnanoa Ana ibuobuoki. I mwiina e okira ana kaa n toka iai ao ni buti nakon mwengana.

Saints, 4:230

I mwiina, e karokoia mitinare te Uea man te United States. A roko ni kawara te utu ae Martins. E kunea Helvécio bwa a uota tamnein te rau nakon mwengana. E ataia bwa n te tai anne, bwa aomata aika a bwatabwata kuniia ao ni bon angiin te tai a rangi ni bwainikirinaki n te United States. E titiraki, “E kanga aron ami aro nakoia aomata aika A bwatabwata kuniia?”

Saints, 4:230–31

A kabwarabwara mitinare bwa a kona ni bane ni bwabetitoaki natin te Atua. Ma n te tai anne, aomata ake a bwatabwata ake a roko aia bakatibu mai Aberika a aki kona n karekea te nakoanibonga ke ni karekei angiin kakabwaia man te tembora. A rangi ni mwaiti aia titiraki Helvécio ao Rudá. A kabanea aia konaa mitinare ni kaekai ni kabane.

Saints, 4:231

N ririki aika a mwaiti, a ta tataro burabeti ni kan ataia bwa n ningai ae a kona n anganaki aomata ni kabane te nakoanibonga ao kakabwaia n te tembora.

Saints, 4:71

A iangoa nakoia n taromauri Helvécio ao Rudá. A rangi n tatangira ao n akoi Aomata aika Itiaki ikekei. A kukurei n te bwai are a reiakinna n te taromauri te utu ae Martins.

Saints, 4:231–32

N te bong teuana, i aon kawaia man te taromauri, a tuangaki iroun Marcus bwa a rangi n taraa ni kukurei ana utu. E taku Marcus,”I ataa bukin ae kam kukurei“. “Ana euangkerio Iesu Kristo” A ataia kaain ana utu bwa e bon eti te bwai ae taekinna Marcus. A baireia bwa a na bwabetitoaki ao n kamatoaaki.

Saints, 4:232

Ririki rimwi, a mwakuria karaoan te tembora Aomata aika Itiaki i Brazil. A rangi ni kukurei nanoia te utu ae Martins, ma a bon taonaki naba n te nanokawaki. A na bon aki rin n te tembora ngkana e a tia ni katabuaki. “Tai raraoma,” E tuanga Rudá, Helvécio. “E atai bwaai ni kabane te Uea.”

Saints, 4:293–94

E aki bebete te teimatoa n kakaonimaki. A bwainingareia ana utu Martins aomata. A aki naba oota raoraoia bwa bukin tera a teimatoa n tiku n te Ekaretia. Ma a ataia Helvécio ao ana utu bwa bon ana Ekaretia Iesu Kristo.

Saints, 4:251–52

N te bong teuana, ngke e oki man ana mwakuri Helvécio, ao e taku Rudá, “Iai au rongorongo, te rongorongo ae kamiimi!” I mwiin mwaitin te aki mamatam ao te tataro, e karekea te kaotioti te burabeti ae Beretitenti W. Kimball. E tuangaki iroun te Atua bwa ni kabane aomata, n aki taraaki karan te kun, a na karekei kakabwaia ni kabane n te nakoanibonga ao te tembora.

Te Katanoata 2; Saints, 4:318–19

A tia n rangi n tataninga ao ni kariaria n te tai ae maan ana utu Martins ao tabeman aomata. Ai akea ngkai te tataninga! A karekea te nakoanibonga Helvécio ao Marcus. A kabaeaki bwa utu n te tembora Helvécio, Rudá, ao natiia. A konaa ngkai ni karekei kakabwaia man te euangkerio ni kabane.

Saints, 4:319–21