Te Mare n ae Rawata te Buu

Ngke e tabe ni kamatebwaia te Bwaibwara te Burabeti Iotebwa, e wareka rongorongoia burabeti n aron Aberaam ao Mote ake a tia ni mareaki ma buuia ae raka iaon temanna. E mwaiti ana titiraki Iotebwa. Ngaia are e a baireia bwa e na tataro ni tuanga te Uea.

Reirei ao Berita aika Tabu 132:1; Saints, 1:121, 503

E taku te Uea bwa e riai te mwaane n iai buuna ae ti temanna. Ma n tabetai ao e tuanga te aomata te Uea bwa e na mareaki ma buuna ae raka iaon temanna. E aranaki aio bwa te mareaki n ae rawata te buu. Te Uea e tuanga Iotebwa bwa a na kona n rawata buuia Ana aomata ngkana E bon tua.

Iakoba 2:27–30; Reirei ao Berita aika Tabu 132:34–39; Saints, 1:121, 290–91, 489–90, 503

Ririki ake i mwiina, e tuanga Iotebwa ao tabeman Aomata aika Itiaki bwa a na kamwaitiia buuia. E aki bebete maiuakinan te tua aei.

Saints, 1:290–91, 444–46

E karaoa te tua ni kaitaraa tuan te mare n ae mwaiti te buu te tautaeka. A kamatawarikaki tabeman Aomata aika Itiaki, ni ikotaki ma mataniwiin te Ekaretia.

Saints, 2:501–4

N 1890, e tuanga Wilford Woodruff te Uea, ae te Beretitenti n te Ekaretia, bwa a riai mwaane n aki manga mareaki bwa tii temanna buuia ao akea riki. A tibwa te tua aei taan kairiiri n te Ekaretia ma Aomata aika Itiaki. E teimatoa n riki aei bwa ana tua te Uea ni boong aikai—e riai ni mareaki ma buuna temanna te mwaane.

Katanoata 1; Saints, 2:598–601, 607–9