Te Utu ae Yanagida

A maeka i Tiaban Toshiko ao Tokichi Yanagida. A kakoaua Iesu Kristo ao a tia ni kaaina Ana Ekaretia. Ma e matoatoa aron te maiu i Tiaban n te tai anne. A uruaki mweenga ma kateitei aika mwaiti imwiin te buaka. A tangiria Toshiko ao Tokichi ni katea mweengaia aia utu, ma a bon rangi ni kainnano.

Aika Itiaki, 3:543

A ataia te utu ae Yanagida bwa e tangiriia te Uea bwa a na kabwaka aia kabwianibwai, ma aki koaua raoi ngkana a kona. E titirakiniiia mitinare Toshiko bwa tera ae a riai ni karaoia. “Kabwakaan te kabwianibwai e rangi ni kangaanga iroura,” e taku. A berita mitinare nakoia bwa ngkana a kabwaka aia kabwianibwai e na buokiia te Uea ni kakoroa bukin aia kouru ni karekean aia auti.

Reirei ao Berita aika Tabu 119; Aika Itiaki, 3:543–44

A bon aki koaua raoi Toshiko ao Tokichi. E kuri kangaanga bwa e na tau aia mwane ibukin boon ana katawanou n te reirei natiia te mwaane. Ma a baireia bwa a na onimakina te Uea ao ni kabwaka aia kabwianibwai.

Aika Itiaki, 3:543–44

E kakabwaia te utu ae te Yanagida te Uea. N te tai ae waekoa a kona ni kabooa te aba ao ni katea mweengaia.

Aika Itiaki, 3:544

N te bong teuana e roko te tia tutuo. E taku bwa iai te kangaanga n abaia , ao aki kona ni katea te auti ikekei. E tuangiia taan mwakuri bwa a na toki.

Aika Itiaki, 3:544

A taonaki n te rawawata te utu ae Yanagida. A tuangiia mitinare te bwai ae riki. A taku mitinare bwa a na aki mamatam ao ana tataro ma te utu ae Yanagida.

Aika Itiaki, 3:545

Imwiina, manga roko temanna te tia tutuo. E taku bwa te kangaanga n abaia e kona ni karaoaki. A kona ni katea mweengaia te utu ae Yanagida. “Ngkami uoman kam a tia ni karaoa te bwai ae tamaroa,” e taku te tia tutuo nakoia Toshiko ao Tokichi. A ataia bwa te Uea e a tia ni kakabwaiaia. A kukurei ngkai a tia n Onimakinna ao ni kakabwaka aia kabwianibwai.

Aika Itiaki, 3:545