اور اب مَیں دیکھتا ہُوں

لازوال محبّت کے ساتھ ہم سب صدر رسل ایم نیلسن کے اِنتقال پر خراجِ عقِیدت پیش کرنے کے ساتھ ساتھ صدر اوکس کو بھی خراج تحسین پیش کرتے ہیں۔ اور یکساں محبّت اور گہرے سوگ کے ساتھ، ہم سب مشی گن میں حال ہی میں اور دُنیا بھر میں تقریباً روزانہ ہونے والے حادثات کو یاد کرتے ہیں۔ خُداوند یِسُوع مسِیح پر توکُل اور محبّت کے ساتھ اِن باتوں کو یاد کرتے ہیں۔

یُوحنّا کے نویں باب میں یِسُوع اور اُس کے شاگِردوں کے اُس بھکاری کے قریب سے گزُرتے ہُوئے واقع کو درج کِیا گیا ہے جو جنم کا اندھا تھا۔ اِسی وجہ سے شاگِردوں نے یِسُوع سے اِس آدمی کی پَیدایشی معذُوری اور اَصل وجہ کے بارے میں کئی پیِچیدہ دینی سوالات پُوچھے۔ مالِک نے بڑے آسان اور بڑے حیرت خیز انداز میں جواب دِیا۔ اُس نے زِمین پر تھُوکا اور تھوڑی سی مٹی سانی۔ پھِر اُس نے اِسے اُس آدمی کی آنکھوں پر لگایا، اور اُسے کہا کہ جا کر شِیلوخ کے حَوض میں دھو لے۔ یہ سب کُچھ اُس نابینا آدمی نے فرمان برداری کے ساتھ کِیا اور ”بِینا [ہو کر] واپس آیا،“ پاک کلام بتاتا ہے۔ ثبُوت کتنا اہم ہوتا ہے، مثلاً یہ خواہشات یا دلیل یا حتیٰ کہ سچّائی کی مُخالفت میں بددیانتی ہے۔

خیر، اِس خَوف سے کہ یہ مُعجزہ ایک بار پھر اُس خطرے کو بڑھا دے گا جو یِسُوع نے پہلے سے ہی اُن کے فرضی اِختیار کو لاحق کر دِیا تھا، نجات دہندہ کے دُشمنوں نے نئے بِینائی پانے والے آدمی کا سامنا کِیا اور غُصّہ سے کہا، ”ہم جانتے ہیں [یِسُوع] گُناہ گار آدمی ہے۔“ اُس آدمی نے لمحہ بھر اُن کی بات سُنی، پھر کہا، ”کیا وہ گُناہ گار ہے … ، مَیں نہیں جانتا: [بلکہ] ایک بات جانتا ہُوں، … مَیں اندھا تھا، اب بِینا ہُوں۔“

یِسُوع نے اِس سوال کا پہلا مطلب بیان کِیا، اپنے شاگِردوں کو یہ بتا کر کہ یہ اِس لِیے ہُوا تھا، ”کہ خُدا کے کام اِس میں ظاہر ہوں۔“ یاد رکھیں کہ اِس واقع میں دو بار نجات دہندہ کے عمل کو ”مسح کرنا“ اندھے آدمی کی آنکھوں کے طور پر کہا گیا تھا، ایک اَیسا عمل جسے دھونے سے مُکمل کِیا جانا تھا۔ اِس بیان ”خُدا کے کام اِس میں ظاہر [کِیے] گئے“ کی یہ وضاحت رسم کے ظہُور کو تجویز کرتی ہے۔

ایک اور سچّائی جو یہاں واضح ہوتی ہے وہ ذرائع ہیں اور ہر اُس ذریعہ سے جو اُن میں ہیں جو آسمان اور زمِین کا خالق اپنے مُعجزے کو انجام دینے کے لیے اِستعمال کرتا ہے: تھُوک اور مُٹھی بھر مٹی! یہ اِنتہائی غیر متوقع اجزا اِعلان کرتے ہیں کہ خُدا ہمیں برکت دینے کے لِیے کوئی بھی طریقہ چُن سکتا ہے۔ مثلاً نعمان کا دریائے یردن پر مزاحمت کرنا یا بنی اِسرائِیل میں سے بعض کا بَلّی پر سانپ کو دیکھنے سے اِنکار کرنا، ہمارے لِیے اپنے نجات کے وسِیلہ کو مُسترد کرنا کتنا آسان ہے کیوں کہ اَجزا اور ذرائع بُہت ہی معمُولی دِکھائی دیتے ہیں۔

لیکن ہمیں مورمن کی کِتاب سے یاد ہے کہ بعض چِیزیں واضح اور قیمتی ہیں اور یہ یِسُوع کی پیدایش سے پہلے پیشین گوئی کی گئی تھی کہ ”نہ اُس کی کوئی شکل و صُورت [ہوگی] نہ خُوب صُورتی اور جب ہم اُس پر نِگاہ کریں [گے] تو کُچھ حُسن و جمال نہیں کہ ہم اُس کے مُشتاق ہوں۔“ خُدا نے کتنی بار اپنا پُرشُکوہ پیغام اَنجُمنِ خواتین کی کسی نئی بُلائی گئی گھبرائی ہُوئی صدر یا کسی اَن پڑھ نیویارک کے لڑکے یا بالکُل نئے مُناد یا چرنی میں پڑے بچّہ کے وسِیلہ سے بھیجا ہے۔

اگر ہماری دُعاؤں کے جواب صریح و سادہ، غیرمعمُولی، حتیٰ کہ پیچِیدہ طریقوں سے بھی آتے ہیں تو کیا ہوگا؟ کیا ہم ثابت قدم رہنے کے لِیے تیار ہیں، کیا ہم مسِیح کی اِنجِیل پر عمل کرتے رہنے کے لِیے تیار ہیں، چاہے اِس کے لِیے کتنا ہی تھوک اور مٹی کیوں نہ لگے؟ یہ ہمارے لِیے واضح نہیں ہو سکتا کہ کیا کِیا جا رہا ہے یا کیوں، اور، وقتاً فوقتاً، ہم سب بعض اُس عُمر رسِیدہ بہن کی طرح محسُوس کریں گے جِس نے کہا، ”خُداوند، اَیسی رحمت کے بارے میں کیا خیال ہے جو چھُپی ہُوئی نہیں ہے؟“

ایک اور سچّائی کے ثبُوت پر غَور کریں، یہ مُقدّس کہانت کے بارے میں ہے۔ اَوج کمال کی کلِیسیائی تنظِیم کو دستُوری صُورت دینے میں، لُوقا کی پہلی آیت بتاتی ہے: ”پِھر اُس نے اپنے بارہ شاگِردوں کو بُلایا، اور اُنھیں اِختیار اور قُدرت بخشی،“ نعمتیں نہ ہماری شان دار سندوں کی بُنیاد پر، اور نہ روایت یا پیدایشی حق کی وجہ سے عطا کی جاتی ہیں۔ اُنھیں نہ تو کوئی مکتبہِ دِین یا مذہبی مُعاشرہ عطا کرتا ہے۔ وہ فقط کسی اَیسے شخص کے ہاتھوں کے سر پر رکھے جانے سے عطا کی جاتی ہیں جِس پر مجاز ہاتھ رکھے گئے تھے جِس کا سِلسِلہ اِلہٰی اِختیار کے سرچشمہ، یعنی خُداوند یِسُوع مسِیح تک جاتا تھا۔

اور اَیسی کلِیسیا جو رحم کی نعمت کو سمجھتی ہے، کیا یہ اُس کلِیسیا کی سچّائی کا ایک اور اعلیٰ و ارفع ثبُوت نہیں ہو گا کہ اِن برکتوں اور عہُود کو ہمارے مرحُوم رشتہ داروں، ہمارے خاندانوں میں سے جو ہم سے پہلے گُزر چُکے ہیں، اُن کے پاس پُہنچتے ہُوئے دیکھیں؟ کیا اُن کو سزا دی جانی چاہیے کیوں کہ اُن کی اِنجِیل تک رسائی نہیں تھی یا اِس لِیے کہ وہ اَیسے دَور میں یا اَیسی جگہ پَیدا ہُوئے تھے جب اِلہٰی رُسُوم اور عہُود اُن کو مُیّسر نہیں تھے؟ کلِیسیائے یِسُوع مسِیح برائے مُقدّسِینِ آخِری ایّام کے پاس خُداوند کے مُقدّس، تقدِیس شُدہ گھر ہیں جِن میں اِن رفتگان کی نجات کے لِیے دِن رات رحم اور نجات بخش نیابتی رُسُوم بخوبی ادا کِی جا رہی ہیں، ساتھ ہی ساتھ حیات افراد کے لِیے عِبادت کے مواقع اور رُسُوم بھی ادا کی جا رہی ہیں۔ میرے عِلم کے مُطابق، خُدا کی سچّائی کا یہ خاص ثبُوت، زِندوں اور مُردوں کے لِیے خُدا کی آفاقی محبّت اور رحمت دُنیا میں کہیں بھی نظر نہیں آتی—سِوا ایک کلِیسیا کے جو اِس خاص سِلسِلہ میں سچّائی کا عملی مُظاہرہ کرتی ہے: کلِیسیائے یِسُوع مسِیح برائے مُقدّسِینِ آخِری ایّام۔

میری پہلی بصارت کو، مٹی سے مسَح کرنے یا شلوخ کے حوض میں دھونے سے حیات بخش سچّائی کا حقِیقی ثبُوت نہیں مِلا تھا۔ نہیں، میری شِفاعت سچّائی کے اُس وسِیلہ سے ہُوئی جو خُداوند نے کِتاب کے صفحات کی صُورت میں بھیجا، جی ہاں، مورمن کی کِتاب: یِسُوع مسِیح کا ایک اور عہدنامہ! اِس کِتاب کی سچّائیوں پر بعض بےدینوں نے حملہ کِیا اور اِس کا اِنکار کِیا، اکثر غُصّہ اُن لوگوں کے تلخ رویوں جَیسا ہے جِنھوں نے شِفایاب آدمی کو بتایا کہ نامُمکن ہے کہ وہ شِفا پا سکے جب کہ وہ جانتا تھا کہ وہ شِفا پا چُکا تھا۔

مُجھ پر تِیر برسائے جاتے رہے ہیں کہ جِن ذرائع سے یہ کِتاب وجُود میں آئی وہ ناقابلِ عمل، ناقابلِ یقِین، شرم سار، یعنی نجس تھے۔ اب، یہ ہر اُس شخص کی سخت زبان ہے جو یہ سمجھتا ہے کہ کِتاب کس ذریعہ سے وجُود میں آئی ہے، جب کہ اُن وسِیلوں کی بابت صِرف یہی بیان کِیا گیا ہے کہ ”خُدا کی نعمت اور قُدرت سے“ اِس کا ترجمہ کِیا گیا تھا۔ اَیسا ہی ہے۔ بس یہی ہے۔ بہر حال، میری زِندگی میں مورمن کی کِتاب کا اَثر اندھے آدمی کی آنکھوں پر تھُوک اور مٹی کے اِستعمال سے کم مُعجزانہ نہیں ہے۔ میرے واسطے، یہ میری رُوح کی حِفاظت کا عصا ہے، مُکاشفہ کی بَرگُزِیدَگی اور سرایت کرنے والی تجلی، اُس راہ کے لِیے شمع ہے جِس پر مُجھے تارِیکی کی کُہر آنے پر چلتے رہنا ہے۔ اور یقیناً وہ آ چُکی ہیں، اور ضرُور آئیں گی۔

اور اِس بِینائی کے پیش نظر جو اُس نے مُجھے اپنے نجات دہندہ کی آفاقی محبّت اور نجات دینے والا فضل عطا کِیا ہے، مَیں آپ کے ساتھ اپنی گواہی دیتا ہُوں، جو یہاں واجب ہے کیوں کہ نئے بابرکت آدمی کے والدین نے کہا کہ اُن کے بیٹے کی بات سُنی جانی چاہیے کیوں کہ وہ ”بالغ تھا۔“ خیر، مَیں بھی ہُوں۔ اُس کی عُمر اِتنی تھی کہ اُسے سنجِیدگی سے لِیا جاتا، اُنھوں نے اِشارتاً کہا۔ خیر، مَیں بھی ہُوں۔ مَیں اپنی 85ویں سال گرہ سے دو ماہ دُور ہُوں۔ مَیں موت کنارے سے واپس آتا رہا ہُوں۔ مَیں بادِشاہوں اور نبیوں کے ساتھ، صدُور اور رسُولوں کے ساتھ راہ و رسم قائم کر چُکا ہُوں۔ سب سے بڑھ کر، مَیں رُوحُ القُدس سے اکثر مغلُوب ہُوا ہُوں۔ مُجھے یقین ہے کہ میری گواہی پر یہاں کم از کم تھوڑا غَور کیا جائے گا۔

اب، بھائیو اور بہنو، مَیں اپنی ساری جان کے یقِینِ کامِل سے جان گیا ہُوں کہ کلِیسیائے یِسُوع مسِیح برائے مُقدّسِینِ آخِری ایّام عہد نامہِ جدید کی کلِیسیا کی حقِیقی بحالی ہے—اور اِس سے بھی زیادہ—کیوں کہ مَیں اُس بحالی کے ثبُوت کا اِنکار نہیں کر سکتا۔ اُن پہلے تجربات کے بعد سے، مُجھے لگتا ہے کہ میرے پاس ایک ہزار—دس ہزار؟—دُوسرے ثبُوت ہیں چُناں چہ مَیں نے آج جو کُچھ کہا ہے وہ سچّ ہے۔ لہذا مَیں یروشلیم کی گلیوں میں اپنے دوست کے ساتھ مِل کر خُوش ہُوں، جہاں مَیں اپنی دھیمی آواز کے ساتھ گاتا ہُوں:

یِسُوع مسِیح کے نام پر، آمین۔