تعارُف

میرے پیارے بھائیو اور بہنو، ہم اپنے پیارے صدر رسل ایم نیلسن کی وفات پر سوگ مناتے ہُوئے مُلاقات کرتے ہیں۔ مَیں بارہ کی جماعت کے صدر کی حیثیت سے کلام کرتا ہُوں، اِس عہدہ پر گُزشتہ ساڑھے سات برسوں سے میری ہر وارڈ، سٹیک، اور مجالِس عامہ میں پہلے ہی تائید ہوئی ہے۔

ہم منصُوبہ بندی کے مُطابق اور مہینوں کی تیاری کے بعد صدر نیلسن کی طرف سے تفویض کردہ مُقرّرین اور حمد و ثنا کے ساتھ اِس ششماہی مجلِسِ عامہ کے ساتھ آگے بڑھتے ہیں۔ صِرف اِضافہ یہ ہے کہ، میری تعارُفی وضاحت، اور اِتوار کی سہ پہر کی اِختتامی عِبادت میں صدر نیلسن کی جگہ میرا کلام ہوگا۔

تقریباً 75 برسوں میں یہ پہلا موقع ہے کہ کلِیسیا کے کسی صدر کی مجلِس عامہ سے چند روز قبل وفات ہُوئی ہو۔ اُنھوں نے ہم سے منصُوبہ بندی کرنے کا تقاضا کِیا ہے کہ ہم کِس طرح مجلِس عامہ کے ساتھ ساتھ مجلِسِ عامہ کی عِبادات کے سِلسِلہ میں اہم قیادت کی میٹنگز مُنعقد کر سکتے ہیں، اُس کے ساتھ ہی اُن کے جنازے کو جلد از جلد شیڈول کرتے ہیں۔ صدر نیلسن نے آنے والے مہینوں میں مُقدّسِین کو ہدایت فراہم کرنے کے لیے مجلِس عامہ کی اَہمیت کو سمجھا۔ ہم اُن کی طرف سے منظُور شُدہ مجلِس کے شیڈول پر عمل کرتے ہُوئے اُن کا احترام کرتے ہیں۔

غم کی اِس گھڑی میں، ہم نے اپنی مجلِس عامہ کی عِبادات سے پہلے صدر رسل ایم نیلسن کو خراجِ عقیدت پیش کرنے کے لیے عِبادت رکھی ہے اور پھر مجلِس عامہ کے بعد جلد از جلد اُن کی آخِری رُسُومات کا شیڈول بنایا ہے۔ یہ سب صدر نیلسن کے خاندان اور بارہ کی جماعت کی منظُوری سے طے کِیا گیا ہے۔

چُوں کہ ہم میں سے سبھی جِنھیں مجلِس عامہ میں کلام کرنے کی ذمہ داری دی گئی ہے صدر نیلسن کو ذاتی خراجِ عقیدت پیش کرنے کے لیے اپنا مُقرّرہ وقت صَرف کرنا چاہتے ہیں، اِس لِیے ہم نے اپنے تمام مجلس کے مُقرّرین سے کہا ہے کہ وہ اَیسے خراجِ تحسین کو اِنتہائی مُختصر رکھیں، جنازے کے لِیے زیادہ سے زیادہ خراجِ تحسین پیش کریں، جِس کی ہم نے منصُوبہ بندی شرُوع کر دی ہے۔

میرا اپنا مخُتصر خراجِ عقیدت—جو اِس مجلِس کے لِیے موزوں ہے اور اُن عقیدتوں کے لِیے جو ہم پہلے ادا کر چُکے ہیں—یہ ہے: کہ مَیں رسل ایم نیلسن سے محبّت کرتا ہوں اور اُن کے ساتھ اپنی لمبی دوستی اور وابستگی سے اِنجِیل اور اِنجِیلی قیادت کے بارے میں کسی دُوسرے راہ نُما کی نسبت زیادہ سِیکھا ہے جسے مَیں ذاتی طور پر جانتا ہُوں۔ وہ خُداوند یِسُوع مسِیح کے خادِم اور پیروکار کی حیثیت سے ہمارے لیے ایک نمُونہ ہیں۔ اِن چِیزوں کی گواہی مَیں یِسُوع مسِیح کے نام پر دیتا ہُوں، آمین۔