Eñecentra Jesucristo ha Iñevanhélio rehe

1996-pe selección kuimba’ekuéra fútbol rehegua Nigeria-gua ogana oro Juegos Olímpicos-pe oñemotendoteva’ekue Atlanta, Estados Unidos-pe Pe final opa vove, multitu ovy’áva osẽ tapére káda táva ha pueblo-gui Nigeria-pe; ko tetãme, oikovehápe hetave 200 millones tekovekuéragui, sapy’aitépe oñetransforma peteĩ jevy’a celebración oñondivepápe, aravo 2 pyharevete guive! Oĩkuri vy’a, vy’apavẽ ha emoción isarambíva, opaite tapicha okaru, opurahéi ha ojeroky aja. Upe aja, Nigeria oĩmekuri peteĩ ñeʼẽme, ha opavave Nigeriano ovyʼa haʼégui Nigeriano.

Oiko mboyve torneo Olimpico, ko equipo ombohovái heta desafío. Oñepyrũvo torneo, oñemboguejy chuguikuéra pytyvõ financiero orekova’ekue hikuái. Péina upe equipo osegi tenonde gotyo kits oikotevẽva ỹre, tenda entrenamientorã, hi’upyrã ha servicio lavandería.

Jerome Prevost/Getty Ta’angakuéra

Peteĩ sapy’ami, oime hikuái peteĩ minútoguipe oñemboyke hag̃ua chupekuéra competencia-gui, ha katu pe equipo nigeriano oñeha’arõ’ỹre otriunfa opa mba’e rovái. Ko momento importante omoambue mba’éichapa hikuái omaña ijehekuérare. Ko jerovia pyahu, ha tembiapo individual ha equipo reheve, joaju ha determinación reheve, omboyke hikuái heta distracción ha oñecentra ogana hag̃ua. Ko enfoque rehe ohupyty hikúai medalla de oro, ha Nigeriano-kuéra ombohéra chupekuéra “Equipo de Sueños”. Pe Equipo de Sueños ohupytyva’ekue Olimpiadas de Atlanta 1996-pe, ha’e gueteri referencia deporte nigeriano-pe.

David Cannon/Allsport/Getty Ta’angakuéra

Equipo de fútbol o’aprende guive omboyke umi heta distracción ombohováiva ha oñecentra guive iméta rehe, ojapyhy hikuái éxito ha osẽporã opensava’ỹháicha ha oñandu avei tuicha vy’a. (Opavavetéicha Nigeria-pe!)

Upéicha avei, ñamboykéramo umi distracción múndogua ha ñañecentrávo Cristo ha Iñevangelio rehe, oñegarantisa ñandéve éxito ñaimahina’ỹva ha ikatu ñañandu tuicha vy’a. Presidente Russell M. Nelson ombo’e: “ñande rekove mbyte oĩramo … Jesucristo ha Iñevanhéliore, ikatu ñañandu vy’apavẽ, taha’eha’e oikóva—térã oiko’ỹva—ñande rekovépe.”

Ajerure Espíritu Santo-pe ñaneipytyvõ hag̃ua peteĩteĩvape ñahenduve hag̃ua Presidente Nelson invitasiõ ñacentra hag̃ua ñande rekove “Jesucristo ha Iñevanhélio rehe” ikatu hag̃uáicha jahupyty vy’a Cristo-pe “taha’e ha’éva umi mba’e ojehúva térã ndojehúiva ñande rekovépe.”

Mormón Kuatiañe’ẽme oĩ heta mombe’upy tapichakuéra omoambuéva hekove oñecentrávo Jesucristo ha Iñevanhéliope.

Pekonsidera Alma, pe ta’ýra Ha’e opu’ã ha oñorairõva’ekue Tupão ndive. túva Alma, oñembo’e, ha a’ayuna. Peteĩ ángel ojehechauka ha ohenói Alma-pe, ta’ýra, oñearrepenti haguã Upe jave, Alma oñepyrũ ohasa asy “peteĩ ánga ñembyasy” Umi aravo iñypytũvape, imandu’a itúva ombo’ehague Cristo outaha oexpia haguã ko múndo angaipa. Iñapytu’ũ oñecentrávo upe ñeñamindu’úre, ojerure Tupãme poriahuvereko. Resultado ramo ha’e oñandu vy’a, peteĩ vy’a ha’e odescribíva imbaretevévaicha! Poriahuvereko ha vy’a og̃uahẽ Alma-pe ha’e ha itúva oñecentrágui pe Salvador-re.

Túva ha sykuérape g̃uarã, oguerekóva ta’yrakuéra ojedesviava’ekue, peñemokyre’ỹ! Peñeporandu rangue mba’érepa ndoúi peteĩ ángel oipytyvõ hag̃ua pende ra’ykuérape oñearrepenti hag̃ua, peikuaava’erã Ñandejára omoĩhague peteĩ ángel mortal hapépe: obispo térã ambue líder térã ministro Tupaogua. Pesegíramo pe’ayuna ha peñembo’e, napeñeha’ãiramo pemoĩ peteĩ hora térã peteĩ plazo Ñandejárape, ha pejeroviáramo Ha’e oipysoha Ipo oipytyvõ hag̃ua pende ra’ykuérape, upéicharõ tarde térã pya’e pehecháta Tupã influencia opokotaha pende ra’ykuéra korasõre. Kóva péicha, Cristo ha’égui vy’a, Cristo ha’égui esperanza;Ha’e pe promesa “mba’e porã oútava rehegua.” Upéicharõ pejerovia Jesucristo rehe pende ra’ykuéra ndive, ha’égui Ha’e fortaleza, opa túva térã sy ha opa mitãme g̃uarã.

O’experimenta guive góso Cristo-pe, Alma, ta’ýra, oikove upe góso rehe hekove pukukue aja. Ha katu mbaʼéichapa omantene upe góso provléma ha mba’e asy apytépe? Ha’e he’i:

“Ha upe guive ko’ág̃a meve amba’apo apytu’u’ỹre agueru hag̃ua umi ánga arrepentimiéntope; agueru hag̃ua chupekuéra oñandu hag̃ua pe vy’a tuichavéva che añanduva’ekue. …

“… Ha … Ñandejára ome’ ẽ chéve vy’apavẽ tuichaitereiva che rembiapo yva rehe. …

“Ha ajejokovaʼekue opáichagua jepyʼapy ha jejopýpe.”

Góso Cristo-pe oñepyrũ Alma-pe g̃uarã ha’e o’ejerce guive jerovia Hese ha ojerurévo poriahuvereko Upe rire Alma osegi o’ejerce jerovia Cristo-re omba’apóvo oipytyvõ hag̃ua ambue tapichakuérape oñandu hag̃ua avei vy’apavẽ peichaguáva. Ko’ã ñeha’ã meme omoñepyrũ tuicha vy’a Alma-pe, jepe umi prueba ha dificultad opáichagua apytépe. Pehechaháicha, “Ñandejara ohecharamo ñeha’ã“, ha ñeha’ã oñecentráva Hese ogueru jehovasa. Umi prueba hasyvéva jepe ikatu “ojegueropuʼaka Cristo vyʼápe.”

Ambue grupo Mormón Kuatiañe’ẽmegua ojapova’ekue Jesucristo ha Iñevanhéliogui hekovekuéra centro-ramo, ha ojuhúva vy’a ha’e umi omopyendava’ekue táva Helam, peteĩ tenda ikatuhápe omongakuaa ita’yrakuérape ha oipuru libertad irreligión rehegua. Ko tapichakuera hekojojava oviviva tekove pora oje’esclavisava’ekue peteĩ grupo lamanitas saqueadore-re ha ojepe’a chuguikuéra derecho fundamental humano o’ejerce hag̃ua irreligión. Sapy’ánte tekove heko ijojávape ojehu avei mba’e vai.

“Upevére Ñandejára ohecha porã ohavira itavayguakuérape; héẽ, haʼe ohaʼã iñehaʼarõkuaa ha ijeroviakuéra.

“Upevére—umi omoĩva ijerovia hese oñemopu’ãta upe ára pahápe Heẽ, ha péicha oikókuri ko tavayguakuérare.”

¿Mbaʼéichapa opersevera koʼã tapichakuéra ijehasa asy aja? Oñecemtrávo Cristo ja Iñevanhélio rehe. Iproblemakuéra ndodefiníri chupekuéra; upéva rangue, peteĩ teĩ ojere Tupãre oñedefinígui ha’ekuéra peteĩ Tupã ra’y, konvénio ra’y ha Jesucristo discípuloicha. Imandu’ávo mávapa ha’ekuéra ha ohenóivo Tupãme, ojapyhy hikuái py’aguapy, mbarete ha ipahápe góso Cristo-pe:

“Alma ha itavayguakuéra … oñohẽ hikuái chupe ikorasõ; ha haʼe oikuaa ikorasõnguéra oipotáva.

“Ha ojehu Ñandejára ñeʼẽ ou chupekuéra ijeikoʼasýpe, heʼívo: Pehupi pene akã ha peñemokyreʼỹ, aikuaágui pe konvénio pejapovaʼekue chendive; ha che ajapóta konvénio che tavayguakuéra ndive ha amosãsóta chupekuéra ñeñapytĩmbýgui.”

Ñembohováipe Ñandejára “ombovevýi ikargakuéra …[i]jati’ýgui. … Hee, Ñandejára omombarete chupekuéra ha upéicha ogueropuʼaka hikuái imbaʼepohyikuéra ndahasýi hag̃ua, ha oñemeʼẽ hikuái vyʼápe ha ñehaʼarõkuaa reheve opa Ñandejára rembipotápe.” ¡Pejesareko ko’ã santokuéra ohejahague oñekonsuma iproblema, jehasa’asy ha iprueba Cristo gósore! Upéi itiempoitépe ohechauka Alma-pe tape okañy hag̃ua, ha Alma, peteĩ Tupã profeta, ogueraha chupekuéra tenda isegurohápe.

Ñañecentrávo Cristo rehe, ha jasegívo Iproféta, ñande avei jajegueraháta Cristo-pe ha góso Iñevanhéliope. Presidente Nelson ohekombo’e haguéicha: “Góso ipoderóso, ha ñañesentra hese ogueru Tupã pokatu ñande rekovépe. Opa mba’epeguáicha, Jesucristo ha’e ñande ejemplo tuichavéva ‘oguerekóvo pe vy’a henondépe, ogueropu’akava’ekue kurusu’ [Hebreos 12:2].”

Che sy omano ramoite; cherejavaiete. Ahayhu che sýpe ha naplaneáikuri ohóvo chehegui voiete. Ha katu iñemano rupive, che familia ha che ro’experimenta mokõive, ñembyasy ha góso. Aikuaa Ha’e rupive, ha’e nomanoiha—ha’e oikove! Aikuaa, Cristo rupive ha umi llave sacerdocio rehegua ojerrestaurava’ekue Profeta José Smith rupive, peteĩ ára aime jeytaha hendive. ¡Pe mba’e’asy aperde haguére che sýpe oñekonsumi Cristo vy’apavẽ rupive! Aikũmby hina “añamindu’u yvagaguáicha” ha “aheja Tupã oprevalese” oike ipype ñecentra pe gósore oiméva disponible Cristo-pe.

Ha’e ñaneinvita mborayhupe: “Peju che rendápe opaite peẽ peñeha’ãmbáva ha penemba’epohýiva, ha che pombopytu’úta.” Jesucristo rérape, amén.