Umi Escritura Sagrada—Jerovia Pyenda

Che rembireko Mary ha che, rohecha ramoiténte peteĩ camiseta orekóva peteĩ kuatiañe’ẽ ra’anga ha peteĩ mensáhe henondépe: “Kuatiañe’ẽ: pe dispositivo portátil original.”

Apensa pe interesante mensáhe rehe ha mba’eguasu ohupytýva umi dispositivo portátil opaichaguáva. Ajepy’amongetavévo, ahechakuaa oimeraẽ dispositivo, jepe umi orekóva inteligencia artificial, araka’eve ndaimba’eguasuvemo’ãi térã naisignifikativovemo’ãi pe gía espiritual-gui oúva rrevelasiõ divina rupi.

Taha’e portátil térã digital, pe Biblia Marangatu ha pe Mormón Kuatiañe’ẽ: Ambue Jesucristo Testamento ome’ẽ gía espiritual ha Jesucristo, pe salvador del mundo, rekombo’ekuéra. Ñamomba’eguasu ko’ã kuatiañe’ẽ pe tembiapo pypuku ojapóvare odocumentávo Tupã gía profetakuéra ha tavayguakuéra ymaguarépe, ha pe gía ome’ẽva ñande rekovetépe.

Ojoajúvo umi proféta oikovéva rekombo’ekuérare, ko’ã sagrada Escritura ome’ẽ ñandéve gía doctrinal mundo ko’ag̃aguápe. Ko’a Escritura pasáhe ipoderosove ome’ẽrõ moarandu, tekombo’e, ha moangapyhy umi tapicha ha familia-pe ohekáva Ñandejára gía.

Umi Escritura, oñembojoajúvo Espíritu Santo inspirasiõ espiritual rehe, ha’e gueteri pe fuente principal oipytyvõva umi ikorasõ mirĩ ha ijespíritu ñembyasýva ha osegiséva Jesucristo-pe. Umi Escritura oipytyvõ oñemopu’ã hag̃ua peteĩ pyenda ogueropu’akakuaáva pe adversario ñeha’ã meme omokangy hag̃ua jerovia.

Umi konverso pyahu ohovasa ha ha’e pe tupao ánga hembiasakue pukukue. Peteĩ techapyrã en particular hepyete chéve g̃uarã. Ha’érõguare che peteĩ obispo imitãva gueteri, mokõi hermana misionera hechapyrãva ombo’e hína William Edward Mussman familia-pe. Pe túva, peteĩ abogado katupyry, ha’ékuri konsehéro general peteĩ empresa-pe. Hembireko idevótava, Janet, oipytyvõ familia-pe oñeha’ã hag̃ua oguerahávo peteĩ tekove ojoguavéva Cristo rekovépe.

Avei ombo’e hína hikuái ita’ýra ha itajýra hechapyrãvape, mokõivéva orekóva 20 áño rupi. Opavave umi irundy orresivíkuri umi mbo’epy ha oasisti hína tupaópe. Umi misionera omoĩ énfasis omoñe’ẽva’erãha Mormón Kuatiañe’ẽ ha oñembo’eva’erã ohupyty hag̃ua peteĩ testimonio upe escritura sagrada-gui. Oñeimo’ã’ỹro jepe, pe familia omoñe’ẽmbaite pe Mormón Kuatiañe’ẽ pya’eterei.

Barrio-gua misionerakuéra, ha’eva’ekue upe mboyve barrio-gua Sociedad de Socorro presidenta omoirũ chupekuéra umi reunión Sacramental-pe.

Pe familia ojebautisapotávo, orresivi hikuái hetaiterei literatura okaguaíva tupaóre. Kóva ha’ékuri internet mboyve, ha katu umi material omyenyhẽ peteĩ caja de cartón.

Misionerakuéra cheinvita, peteĩ obispo ramo orekóva 34 áño oñehenoiramóvape, aipytyvõ hag̃ua ambohováivo umi porandu oapareseva’ekue. Roñembyatývo isálape, pe caja henyhẽva umi folleto okaguaíva tupaóre oĩ pe koty mbytépe. Ambohovake pe asignasiõ ñembo’e espíritu reheve. Pe ñembo’e ñepyrũha aja, pe espíritu oñe’ẽmbegue chéve: “Ha’e oikuaáma añeteguaha”. Kóva imba’eguasu. Umi hermana oguerovia opa ambue familiagua miembro orekoha peteĩ testimonio. Ha katu noĩri seguro pe túvapa orekóne.

Pya’eterei aikuaauka chupe pe “Espíritu cheinspirahague ha’e oguerekomaha peteĩ testimonio. “Añetépa upéva?” Ha’e oma’ẽ porã cherehe ha he’i pe Espíritu okonfirmahague chupe pe Mormón Kuatiañe’ẽ ha pe tupao aneteguaha.

Upérõ aporandu tekotevẽpa gueteri rorrevisa umi folleto, ha’e orekómaramo peteĩ konfirmasiõ espiritual.

Pe túva ombohovái natekotevẽiha. Pe familia rembyre oĩ de acuerdo upe mbohovái reheve.

Ha’e he’i orekoha peteĩ porandu iñimportánteva: peteĩ motívo orresivi haguére hikuái hetaiterei literatura oñemoĩva pe tupaóre ha’e hikuái ha’égui ambue religiõgua miembro. Avei, ojapókuri hikuái peteĩ promesa tuicháva oipytyvõtaha omopu’ãvo peteĩ capilla pyahu upe jeroviápe g̃uarã. Omombe’u chéve misionerakuéra ombo’ehague chupe diésmo imba’eguasuha, ha ha’e oacepta upéva aguijeme’ẽ reheve, ha katu oñeporandu noĩvaichénepa okumpli avei ikompromiso ojapova’ekue upe mboyve. Amoañete chupe pe promesa ñekumpli ha’éne onorable ha avei hekopete.

Opaite pe familia ojebautisa. Peteĩ ary rire ojesella hikuái familia-icha Oakland, California Templo-pe. Arekókuri priviléhio aĩ hag̃ua upépe. Pe ta’ýra ojapopa pe facultad de derecho, ohasa pe California-gua Colegio de Abogados examen ha uperiremíntema oservi peteĩ misiõ tekojeroviápe Japón-pe. Ohasávo umi ary, ahecha mba’éichapa umi generasiõ oúva uperire opyta jeroviarekópe pe Evanhéliope. Arekókuri priviléhio aofisiávo peteĩ inietakuéra sellamiéntope.

Umi konversiõ oikóva hína ko’ã ñande árape ha’e avei hechapyrãitéva. Mes de junio ohasava’ekuépe, pe entrenador Andy Reid, fútbol americano entenador principal Kansas City Chiefs-pe, ha che, avei ambuekuera ndive rorrepresentavo ore jerovia ha ambue religiõ, roñe’ẽ peteĩ evento heta jerovia reheguápe Riverside tupaópe, táva Nueva York-pe. Pe entrenador Reid omoĩ énfasis umi mokõiha oportunidápe ha ñambohovaiva’erã umi invitasiõ ha oportunidad, ha’éva pe Jesucristo evanhélio propósito. Pyhareve oúvape, roasisiti ore rembirekokuéra, Tammy Reid ha Mary ndive Reunión Sacramental Barrio Manhattan 2-pe. Ha’ékuri peteĩ servicio espiritual. Oĩkuri heta konverso pyahu pe congregación-pe. Cinco miembro ojebautisaramóva, irundy kuimba’e ha peteĩ mitãrusu, oĩkuri umi Sacerdocio Aarónico-gua miembro orrepartíva pe Santa Cena. Avy’a amomarandúvo peichagua miembro pyahukuéra influencia oikoha hína oparupi tupaópe.

Oreaguijeterei pe kakuaa ojehechakuaaporãva umi tapichágui ombohováiva peteĩ invitasiõ sagrado, omoambue hekove ha oacepta oportunidad osegi hag̃ua Jesucristo-pe. Oike hikuái pe konveniokueragua tapépe jerovia, arrepentimiento, bautismo ha konfirmasiõ rupive, oñembo’eháicha Biblia Marangatu ha Mormón Kuatiañe’ẽme.

Ndaikatúi nañamomba’eguasúi umi escritura sagrada importancia pe konversiõrã ha avei ojepyta hag̃ua ñemova’ỹme Evanhéliope. Umi proféta Ymaguare oñeñe’ẽvagui Mormón Kuatiañe’ẽme oikuaákuri pe Jesucristo misiõgui ha ombo’e hikuái Iñevanhélio. Mormón Kuatiañe’ẽ ñanepytyvõ ñañemo’ag̃uive hag̃ua Tupãre ñañemoarandúvo, ñantendevévo ha ja’aplikavévo hekombo’ekuéra. Proféta José Smith ombo’e “Peteĩ kuimba’e [térã kuña] oñemo’ag̃uivetaha Tupãre osegívo [pe kuatiañe’ẽ] precepto-kuéra ambue kuatiañe’ẽ peguávagui.”

Jaikuaa hag̃ua Mormón Kuatiañe’ẽ ha’eha Tupã ñe’ẽ, ñamoñe’ẽva’erã, jajepy’amongeta ha ñañembo’eva’erã upévare ha upéi ñamba’e’apo umi hekombo’ekuéra he’iháicha. Proféta Moroni opromete Tupã orrevelataha pe kuatiañe’ẽ añetegua ñañembo’érõ peteĩ korasõ añete reheve, intensiõ añete, ha jerovia reheve Jesucristo-re. Jaestudia Mormón Kuatiañe’ẽ iñesensiál peteĩ konversiõ hi’arévape g̃uarã.

Ñamañavo rrelasiõ oĩva Biblia ha Mormón Kuatiañe’ẽ apytépe dispositivo portátil ramo, ikatu ñañeporandu. Mba’eichápa reimo’ã ideprovecho ha oñekomplementáne mokõi kuatiañe’ẽ Ñandejára he’írõ okakuaáta oñondive ha “[ha’éta] peteĩ nde pópe”? Kóva ha’e Ñandejára he’iva’ekue pe “palo de Judá”, Biblia, rehe, ha pe “palo de José”, Mormón Kuatiañe’ẽ rehe.

Heta aspecto isignifikatívovape, Mormón Kuatiañe’ẽ ome’ẽ doctrina fundamental omomba’eguasúva ha oñemopu’ãva Biblia ári. Pe Jescristo expiasiõ doctrina ha’e peteĩ techapyrã pypuku.

Pe Biblia ome’ẽ peteĩ ñemombe’u exacto Jesucristo ministerio terrenal-gui, jepe Iñemano ha Ijeikovejey. Mormón Kuatiañe’ẽ omohesakãve pe Jesucristo Expiasiõ, peteĩ mba’e profetakuéra omohesakã porãva Iñenase mboyve.

Pe Alma capítulo 42 ñemoakã ohechauka pe Jesucristo expiasiõ signifikádo doctrinal.

He’i: “Ko ñemanokuaápe ñeime ha’e peteĩ pyʼaraʼãrã ñeime ohejáva yvypórape toñearrepenti ha tombaʼapo Tupãme g̃uarã—Pe Je’a ogueruva’ekue ñemano yvy’arigua ha espíritu rehegua opa yvyporakuéra ári—Pe rredensiõ ou arrepentimiénto rupive—Tupãite voi oexpia angaipakuéra yvorapeguáre—Pe poriahuvereko haʼe umi oñearrepentívape g̃uarã—Opavave hembýva opyta Tupã hustísiape—Poriahuvereko ou pe expiasiõ rupi—Umi oñearrepenti añetéva añónte ojesalváta.”

Presidente Russell M. Nelson opromete: “Pe’estudiávo ñembo’e reheve Mormón Kuatiañe’ẽára ha ára, pejapyhýta decision porãve opa ára.” Avei ha’e opromete “peñapymírõ ára ha ára Mormón Kuatiañe’ẽme, ikatúta peñevakuna mba’e ñañágui ko’ã arapegua.”

Ha’e haguéicha, cheimpresiona pe dispositivo portátil original concepto: peteĩ kuatiañe’ẽ. Upevére, ahechakuaa importancia ojeguerovia’ỹva orekóva internet ko’ag̃agua múndope. Peteĩ dispositivo portátil moderno ikatu ome’ẽ pe informasiõ históricamente omyanyhẽva’ekue peteĩ Biblioteca tuicháva. Ñandeaguije jaiko haguére kóichagua épokape. Che particularmente cheaguijeterei oheja haguére umi kuatiañe’ẽ sagrádo ha umi tupaogua materialkuéra toĩ disponible formato digital-pe. Pe internet ha’e peteĩ tembiporu ipoderósova jaestudia hag̃ua pe Evanhélio. Ko árape, heta tapicha okomparti Escritura versículo iñangirũnguéra ndive tecnología rupive. Pe Mormón Kuatiañe’ẽ Aplicación, techapyrã ramo, ha’e peteĩ manera hechapyrãva ikatuháicha ñapresenta Mormón Kuatiañe’ẽ ñane angirũnguérape ha ikatu ñakomparti hasy’ỹháicha normal ha naturalmente taha’e ha’e peimehápe.

Jepe internet ome’ẽ heta jehovasa, ñembyasyrã, avei, umi folleto-icha okaguaíva tupaóre amombe’úva upemboyve, ojeiporu omopu’ã hag̃ua py’amokõi ha ombyai hag̃ua jerovia umi evanhélio pricipio hepyetévare. Ikatúva upéva ha’e parte umi “mba’evai ko’ã epokagua” omombe’úva presidente Nelson.

Pe adversario ha umi chupe oipytyvõva, conciente térã inconscientemente, ojapo internet-pe peteĩ mba’e ojoguáva pe caja henyhẽva material jehaipyre okaguaíva tupaóre amombe’úva upemboyve, intensiõ reheve ñanemomombyrývo Tupãgui.

Umi problema oñemopu’ãva okrea hag̃ua py’amokõi umi ary pukukue ojojoguaiterei. Kóva especialmente añetegua ñambojojávo ñande époka pe 1960 dekáda ndive, che arekórõguare 20 áño rupi.

Escritura-kuéra ñanembo’e jaiporu hag̃ua huísio ha tañanearandu opa mba’épe. Internet ikatu ojeiporu ipositivoháicha térã oporohundiháicha.

Opavave, umi miembro hi’arémava térã umi ipyahúva oestudiávo pe evanhélio orekova’erã en cuenta pe ohecháva. Ani pejesareko umi material inmoral, deshonesto térã hekojoja’ỹvare. Pejesarekórõ, umi algoritmo ikatu pendegueraha peteĩ tape ombyaíva pe jerovia ha ojokóta nde jekakuaa eterno. Ikatu ojeactua pende ári ipositivoháicha térã inegativoháicha. Peheka tekojoja ha pejehekýi umi internet kuára iñipytũvagui ha pe marandu vai meme jeleégui. Pemyanyhẽ pende rekove ideas positivas reheve; pevy’a; penderory ha katu pejehekýi umi vyroreígui. Oĩ peteĩ diferencia. Pe decimotercer articulo de fe ha’e peteĩ gía hechapyrãva. Opa mba’e ári, peñapymi meme Mormón Kuatiañe’ẽme, upéva oguerúta pe Espíritu pende rekovépe ha penepytyvõta pehechakuaa hag̃ua añetegua jejavýgui.

Che konsého umi ojedesvia’imívape pe konvénio rapégui ha’e tapeho jey umi escritura sagrada-pe, pe gía profétikope, pe observancia religiosa ógape ha pe jerovia rehegua música-pe. Káda ánga hepyeterei Ñandejárape g̃uarã. Roikotevẽ penderehe! Ñandejára oikotevẽ penderehe ha peẽ peikotevẽ Hese! Tapiaite peñemoĝuahẽporãitéta. Umi heta ary aservi aja tupaópe, añongatu atã umi tapicha hechapyrãva oho jeyva’ekue pe konvénio rapépe ha upéi oservi ha ohovasa opavave umi ohayhúvape térã umi orekóvandi kontacto.

Umi escritura sagrádo ha umi proféta oikovéva ha’e peteĩ forma iñimportánteva peteĩ Túva Yvagagua ñanderayhuetéva omoĩha pe iplan vy’a rehegua opa Ita’yrakuéra disposisiõme.

Ame’ẽ che testimonio mbarete Jesucristo divinidágui ha pe Iñexpiasiõ añeteguágui. Jesucristo rérape. Amén