Umi Ára Araka’eve Nañanderesaraimo’ãiva

Che hermano ha hermanakuéra pohayhuetéva, Jesucristo Tupao Santokuéra Ára Pahapegua rembiasakue ko dispensasiõme ojajái umi experiensia divína rupi ohechaukáva mba’éichapa Ñandejára odirihi Itupao. Ha katu, oĩ peteĩ dékada ñane rembiasakuépe, añetehápe, ojehecha tuichaitereivéva opa ambuéva ári—pe dékada 1820 guive 1830 peve. Oñepyrũvo Proféta José Smith experiensia rehe Yvyraty Marangatúpe upe arapoty 1820-pe, ohechárõ guare Tupã Túva ha Ita’ýra Jesucristo-pe, ha ohóvo hese 6 abril 1830 peve, upe dékada ndaha’éiva ambuéicha.

Pehechakuaami koʼã ojehuva’ekue hechapyrãva! Pe proféta mitãite oñemongeta ánhel Moroni ndive, ombohasa umi pláncha oroguigua ha oguenohẽ Mormón Kuatiañe’ẽ! Ha’e ha’e pe tembiporu ojerrestaurava´ekue rupive pe Sacerdocio Aarónico ha Sacerdocio Melquisedec, ha upéi ha’e omohenda Tupao! Oliverio Cowdery omombe’u porãiterei upe époka: “Umíva ha’ekuri ára araka’eve nañanderesaraimo’ãiva.” Umi evento milagróso oho gueteri hese ko ára peve.

Pehejami tachepy’aguasu asugerimi hag̃ua ko arýpe oñepyrũ hague peteĩ dékada ikatúva tuichaiterei opa ambuéicha oúva pe dékada ñemohendaha ijojaha´ỹva guive ojapomáva haimete mokõi síglo.

Tamombe’umi peẽme. Ko’ág̃a 2024, ha 2034 apytépe, jahasáta umi evento tuichaitereíva rehe oguerútava oportunida ijojaha’ỹva jaservi hag̃ua, ñañembojoaju hag̃ua miembro ha angirũnguéra ndive, ha ñapresenta hag̃ua Jesucristo Tupao Santokuéra Ára Pahapegua hetave tapichápe araka’evégui.

Jaiko ramoite testígo pe pu’aka orekóvagui peteĩ moménto añetehápe histórico jarogueromandu’ávo decenas de millones ndive Presidente Russell M. Nelson 100 aramboty.

Omombe’úvo Presidente Nelson aramboty rehe, Newsweek ohai peteĩ titular he’íva: “Pe Líder Religioso Itujavéva ko Múndope Omboty 100 ary.” Upéi ojapo hikuái peteĩ lísta umi 10 líder religioso itujavéva múndo jerére—Presidente Nelson reheve tenonde peteĩ lísta oikehápe avei Papa Francisco ha Dali Lama.

Ko deklarasiõ peteĩ artíkulo oguerúvape New York Times orrepresenta pe cobertura internacional espíritu hetakue: “Peteĩ ciclo electoral presidencial [Estados Unidos] pegua omongu´éva oñepensami hag̃ua umi tuja térã guaiguĩ ha liderazgo rehe, pe karai. Nelson hito osugeri, jepe itupaópe, peteĩ aramboty orekóva mbohapy dígito ndogueruiha heta jepy’apy. Ha’e ha’e gueteri peteĩ figura popular tupao miembro-kuéra apytépe, ohecháva ipresidéntepe ndaha’éi peteĩ ejecutivo añónte ramo ha katu ‘proféta, vidente ha revelador ramo.”

Mba’eichaitépa ñandeaguyjeme’ẽ Presidente Nelson aramboty histórico ome’ẽ haguére ñandéve peteĩ oportunida ñapresenta hag̃ua peteĩ audiencia mundial-pe peteĩ Tupã profétape, peteĩ jeguerohory araka’eve nañanderesaraimo’ãiva.

Ko arapoty ñepyrũme, oñeinagura peteĩ plása oñembopyahuva’ekue pe Templo Mansánape—ojehechaukahápe umi bandera heta tetamẽgua orrepresentáva tetãnguéra ojehechakuaahápe Tupao. Pe plása ojeikehápe oñemarka peteĩ monumento granito-guiguare rehe ojehaíva hi’ári ko’ã ñe’ẽ profétiko: “Ha ojehúta umi ára pahápe, pe yvyty opu’ãháme Jehová róga oñemoĩta umi yvyty ruvicha ramo, ha oñembotuichavéta umi yvytymi ári; ha opa tetã oñaníta hendápe.”

Añetehápe, umi evento tuichaitétava umi 10 áño-pe oútava omopyendáta pe jehechauka ko Isaías profesía oñekumpliha hína.

Pehechakuaamína umi casas abiertas número ijojaha’ỹva ha umi templo jededika oiméne oikótava pe dékada oútavape, peteĩ potencial ijojaha’ỹva 164 templo ha ojeipapakuaáva. Peñeimagina decenas de millones peẽ ha pene angirũnguéra peguataha hína peteĩ Ñandejára róga rupi. Ko´ã evento centro simbólico ha’éta ojededika jeývo Lago Salado Templo ha umi actividad ojoajúva ko’ã mba’ére. Añetehápe umíva ha’éta ára araka’eve nañanderesaraimo’ãiva.

Ary 2030 oguerúta oportunida opa múndo jerére ojegueromandu’ávo 200 ary Tupao oñemohenda hague. Jepe ipya’eterei gueteri ja’e hag̃ua mba’éichapa Tupao ohechakuaáta ko hito, ndaipóri dúda opermititaha ñandéve ñainvita umi ñane familia, angirũ, colega ha invitado distinguido-pe “ou ha ohecha” hag̃ua ha ontende porãve hag̃ua pe impacto pu’akave Tupao orekóva imiembro-kuéra rekovépe.

Ary 2034-pe, miles umi dignatario, visitante ha atleta opa múndo jerégui oúva omyanyhẽta Táva Lago Salado rapekuéra, araro’y pegua Juegos Olímpicos oikotaha. Oiméne ndaipóri ohechauka tuichavéva joaju yvy ape ári, pe oñerrepresentávagui Juegos Olímpicos-hápe. Múndo ñema’ẽ oĩta Tupao ha imiembro-kuéra ári, ome’ẽvo chupekuéra hetaiterei oportunida oservi hag̃ua voluntario ramo, oservi ha okomparti hag̃ua marandu porã umi py’aporã rembiapo rupive—peteĩ evento araka’eve nañanderesaraimo’ãiva.

Ko’ã moménto oútava ome’ẽta Tupao miembro-kuérape oparupiete oportunida tuichavéva okomparti hag̃ua Jesucristo evanhélio marandu porã ñe’ẽ ha tembiapo rupive, peteĩ dékada araka’eve nañanderesaraimo’ãiva.

Peteĩ reuniõháme hi’aramboty semana mboyvemi, Presidente Nelson okomparti mba’érepa oguerohoryete pe fráse umi “marandu porã.” Peteĩ ñema’ẽme, oseñala, pe fráse ipu vy’a ha vy’apavẽha. Ha katu umi “marandu porã” ombohasaha heta mbaʼeve upévagui. Omyesakã ko fráse ouha ñe’ẽ griego ypykuégui euangelion, he’iséva literalmente “marandu porã” térã pe “evanhélio.” Vy’a ha vy’apavẽ ko tekove ha ambuépe akóinte ojoaju Jesucristo evanhélio rehe. Péicha pe fráse umi “marandu porã” ojagarra ko mokõi signifikado hechapyrãieterei háicha.

“Umi kuimba’e [ha kuña] oikove, oguereko hag̃ua vyʼapavẽ.” Túva Yvagagua ome’ẽkuri pe plan vy’a rehegua ombohapéva vy’apavẽ umi Ijehovasa rupive. Ko’ãva apytépe ou upe jaiko Henonderãme tapaiterã familia-icha. Jesucristo Expiasiõ ha’e fundamental Tupã plan-pe ñanerredimi hag̃ua. Jahupyty hag̃ua tekove opave’ỹva jajuva’erã Cristo rendápe. Jajapóvo upéicha “ha ñaipytyvõvo ambue tapichápe ojapo hag̃ua avei upéicha, japarticipa hína Tupã salvasiõ ha exaltasiõ rembiapópe.”

Ko mensáhe Jesucristo evanhélio marandu porã rehegua ha’e pe mensáhe iñimportantevéva ko yvy ape ári. Ha upépe oike umi mitãrusu ha jóvenes adultos Tupao pegua.

Ko’ág̃a, ko dékada oútava ikatu henyhẽ ára araka’eve nañanderesaraimo’ãiva-gui opavave Tupao miembro-pe g̃uarã, kóva ikatu añete especialmente peẽme g̃uarã, umi henerasiõ pyahu pegua. Peẽ peime koʼág̃a ko yvy ape ári pejeiporavógui ​​peime hag̃ua ko’ápe koʼág̃a. Peẽ penembarete ha pendekatupyry oiko hag̃uícha pendehegui Cristo discípulo peteĩ manera ijojaha’ỹvaicha.

Presidente George Q. Cannon ombo’e: “Tupã oñongatúkuri umi espíritu ko dispensasiõme g̃uarã orekóva py’aguasu ha determinasiõ ombohovake hag̃ua ko múndo ha opa pe aña pu’aka, [ha] … omopu’ã hag̃ua ñande Tupã Sión okyhyje’ỹre oimeraẽichagua consecuencia-gui.”

Upevarã, añe’ẽse peẽme henerasiõ pyahu pegua, po’invita hag̃ua peñeimahinami mba’eichaitépa iñemosionánteta peẽme g̃uarã ko dékada oúva, araka’eve napenderesaraimo’ãivagui. Avei aikuave’ẽ michĩmi ñe’ẽ hasy´ỹva konsého ha kyre’ỹrã ikatúva penemombarete upe dékada oúvape.

Heta pende apytepeguáicha, areko peteĩ teléfono inteligente, sapy’ánte ha mba’eveichagua aviso’ỹre, ombyaty peteĩ fóto tíra ohechaukáva mba’épa ajapo ra’e peteĩ ára javépe. Akóinte isorprendénte ahechávo mbaʼeichaitépa okambia umi mba’e chéve ha che familia-pe g̃uarã sa’imi ary áño-pente.

Peñeimahinamína umi fóto pende teléfono-pe oservitaha 10 áño rire! Ikatu pehecha pemohu’ãharõ guare pe secundaria térã universidad, pehupytývo peneinvestidura, pehóvo misiõme, pemenda ha peguerekóvo pende ra’y terã pene memby ypykue. Peẽme g̃uarã personalmente, kóva ha’éta peteĩ dékada araka’eve napenderesaraimo’ãiva. Ha katu ojo’áta peñeha’ã ramo, kyre’ỹme, oiko hag̃ua pendehegui peteĩ tesape ko múndope g̃uarã pe mba’éichapa umi Jesucristo evanhélio marandu porã ikatu ombohepy ha omoporãve, ndaha’éi pende rekove añónte ha katu umi pene familia, angirũ, ha redes sociales seguidor-kuérape.

Ikatu peñeporandu mbaʼéichapa ojejapo upéva.

Tupã profetakuéra ñanembo’eva´ekue kóva ojejapoha irundy actividad hasy’ỹva rupive, ojeheróva responsavilida divinamente oñeme’ẽva: peteĩha, javivi Jesucristo evanhélio; mokõiha, ñañangareko umi oikotevẽvare; mbohapyha, ñainvita opavavépe orrecibi hag̃ua pe evanhélio; ha irundyha, ñambojoaju familia-kuéra eternidape g̃uarã. Hechapyrãvéva, peteĩteĩva ikatu ojejapo peteĩ manera normal ha natural-ve.

Apromete peẽme kóva ha’etaha peẽme g̃uarã peteĩ dékada araka’eve napenderesaraimo’ãiva pemog̃uahẽramo ko’ã irundy responsavilida divinamente oñeme’ẽva. Jahechamína mba’épa ikatu ogueraha upéva.

Peteĩháme, pevivi Jesucristo evanhélio. Pestudia profetakuéra ñe’ẽ ha pe’aprende pehayhu pende Ru Yvagaguápe. Pembojere pene korasõ Hese ha peñeha’ã peguata Hape. Pepu’ã umi “konvénio jeguerovia” rupi pe Elder Ulisses Soares omombe’u haguéicha. Ko jeguerovia ou pejapóvo konvénio pesegitaha Jesucristo-pe, peikuaávo pe Salvador péicha avei penemombarete ha penepytyvõtaha.

Peheja pene angirũnguéra tohecha vy’apavẽ peñandúva pevivívo pe evanhélio ha peẽ ha’éta pe evanhélio mensáhe iporãvéva araka´eve orresivítava hikuái.

Mokõiháme, peñemboja poriahuvereko reheve peñangareko hag̃ua umi oikotevẽvare. Pene henerasiõ ohechakuaa porãiterei umi ipo’a’ivévape. Oiko jave peteĩ desastre ha Tupao miembro-kuéra ojapura oipytyvõ hag̃ua omopotĩ umi escombro ha omoangapyhy hag̃ua umi ohasa’asývape, ha’ete hetave umi oipurúva kamiseta “Po oipytyvõva” ha’eha mitãrusu ha veinteañéro. Oĩ inaturalesapekuéra “ogueraha ojupe imba’e pohyikuéra” ha “omoangapyhy umi oikotevẽvape angapyhy.” Jajapóvo upéicha “ñakumpli Cristo léi.”

Evan, peteĩ mitã´i Primaria pegua, odesidi ohasataha imbo’ehao pegua vakasiõ arahakugua ombyatývo umi oñeikotevẽva ojejavo hag̃ua sandwich manduvi kyra [mantequilla de maní] ha mermeláda-guigua odona hag̃ua i-banco de alimentos local-pe. Ojuhúkuri ko proyecto JustServe sitio web-pe. Mitãrusu Evan orreklutapaitekuri ikláse escolar-pe oipytyvõ hag̃ua chupe ombyaty 700 mermeláda ryru rasami! Toikuaa umi tapicha peservívape pende jepy’apy hesekuéra oñemopyendaha pende mborayhúgui Tupã rehe ha petrataseha pende rapichápe pendejeheguáichaite.

Mbohapyhápe, ña’invita opavavépe torresivi pe evanhélio. Ko arýpe roipe’a 36 misiõ pyahu opa múndo jerére romoinguepa hag̃ua opavave oservisévape g̃uarã misiõ tiempo completo. Peteĩ époka heta mitãrusu odesidihápe ohejapaitévo umi actividad religiosa formal, ko’ãva hechapyrã ha oñe’ẽ umi pene testimónio naturalésa tuichaitéva rehe. Taha’e peservíva hína tíempo completo térã nahániri, pehechakuaami pende kapasida tuichaitereíha peinflui hag̃ua pene kompañerokuéra rehe pehayhu, pekomparti ha pe´invita jave chupekuéra ohesa’ỹijo hag̃ua Jesucristo evanhélio.

Irundyhápe, pembojoaju familia-kuéra eternidape g̃uarã. Avisita jave templo-kuéra ko múndo jerére, amomorã umi mitãrusu aty henyhẽvambáva oha’arõva oñembo’yhápe bautistério-pe ha umi oñembohetaitevéva ohóvo jóvenes adultos oservíva umi ordenansa obrero ramo. Nda´areiete, peteĩ aty orekóva 600 mitãrusu Escocia ha Irlanda-gua oviaha Preston Inglaterra Templo-pe, ojapohápe hikuái 4.000 ordenansa rasami, heta umíva apytégui ha’éva ijypykuéra tee omanomava’ekue! Ajerure peẽme peparticipa hag̃ua historia familiar-pe, pehasa tíempo templo-pe ha peñembosako’i porã oiko hag̃ua pendehegui pe oñeha’arõva kuimba’e térã kuña oĩva dispuesto omendávo peteĩ kompañero upéicha avei idígnova ndive templo-pe. Pemoheñói peteĩ modelo pende rekovépe ko’ág̃a pejapo hag̃ua pe templo taha’e peteĩ párte jepivegua pende rekovépe.

Che hermano ha hermana-kuéra ahayhuetéva, che angirũnguéra imitãva ahayhuetéva, oiméne oĩta dificulta peteĩteĩ ñandéve g̃uarã umi ára oúvape. Ha katu, jaikévo ko dékada oúvape umi moménto ijojaha’ỹva, tañakomparti marandu porã umi actividad hasy’ỹva rupive javivi, ñañangareko, ña´invita ha ñambojoaju aja. Jajapóvo upéicha, Ñandejára ñanderovasáta umi experiensia araka’eve nañanderesaraimo’ãiva reheve.

Atestifika umi oñembojáva Ñandejárare peteĩ korasõ añete ha intensiõ añete reheve, umi oguerekóva Salvador réra ijurúpe ha pe Espíritu Santo hi’ángape, umi oñemoĩva ko peregrinasiõ tuicha ha glorioso-pe, odescubritaha ha oexperimentata jehovasa celestial henyhẽva ha orresivíta peteĩ testimónio Tupã ohendu, oikuaa ha ohayhuha chupekuéra. Pehasáta ára araka’eve napenderesaraimo’ãiva. Jesucristo rérape, amén.