“Wan ‘Lokdaon’ long Gana,” Doktrin mo Ol Kavenan Stori (2024)
“Wan ‘Lokdaon’ long Gana,” Doktrin mo Ol Kavenan Stori
Jun 1989– Novemba 1990
Wan “Lokdaon” long Gana
Stap fetful taem ol Sent oli no save kam tugeta
Alice Johnson i wan misinari i stap givim seves long hom kantri blong hem, Gana. Hem i lavem serem testemoni blong hem abaot Jisas Kraes mo i stap helpem Jos i gro.
Saints, 4:416–17
Wan dei, Alice i gat sam nius we i mekem hem i harem nogud. Gavman long Gana i talem se bae i nomo gat ol Jos miting. Ol misinari bae oli nomo tij.
Saints, 4:417
Polis ofisa oli mekem ol misinari oli lego ol apatmen blong olgeta mo oli karemaot ol baskel blong olgeta. Oli bin putum samfala memba blong Jos i go long kalabus. Ol soldia, oli lokem ol Jos bilding mo oli no letem eniwan i go insaed. Ol pipol oli singaotem hemia “lokdaon.”
Saints, 4:417–18
Ol misinari oli mas gobak long haos. Alice i aot blong go laef wetem wan fren long wan narafala taon. Hem i wari se bae hem i neva save finisim misin blong hem.
Saints, 4:418
Ol Sent long Gana oli konfius, harem nogud, mo oli fraet. Oli wari se oli bin mekem wanem i nogud. Bae oli save gobak long jos bakegen?
Saints, 4:418
Iven oli no save kam tugeta long ol wod blong olgeta, ol Sent oli gohed blong lavem Lod mo wantem blong wosipim Hem. Oli gat sakramen miting long ol hom blong olgeta. Ol famli memba we oli gat prishud oli blesem bred mo wota mo pasem long ful famli.
Doktrin mo Ol Kavenan 6:32; Saints, 4:419
Manis afta Manis, lokdaon ia i gohed yet. Ol Sent oli singsing ol hym mo tijim gospel long wanwan long olgeta, long hom blong olgeta. Oli visitim wanwan long olgeta blong helpem mo kipim fet blong olgeta i strong. Oli putum long saed ol taeting blong olgeta blong pem taem oli save gobak long jos. Oli prea mo livim kaekae blong mekem se lokdaon ia i save finis.
Saints, 4:436–37
Long en, afta 18 manis, gavman i disaed se Jos i save gat ol miting bakegen. Wan niu misin presiden i askem blong toktok wetem Alice, we i stap naoia olsem wan kolej studen. “Yu glad blong kambak mo givim seves long wan misin afta skul?” hem i askem. “No,” hem i talem. “Mi wantem blong givim seves naoia!”
Saints, 4:437–39
Alice mo ol narafala Sent oli glad tumas blong save go long jos bakegen! Long fas Sandei afta long lokdaon, sakramen miting i stap blong 2 aoa from plante pipol oli wantem blong serem testemoni blong olgeta. Oli talem long wanwan long olgeta olsem wanem Lod i blesem mo i bin helpem olgeta blong kipim fet blong olgeta i stap strong.
Doktrin mo Ol Kavenan 20:75; Saints, 4:438