Oli Dediketem Ketlan Tempol

Afta long tri yia blong hadwok, oli bildim flatem Ketlan Tempol. Profet Josef i invaetem ol Sent long wan spesel miting blong dediketem tempol. Hem bae i talem wan spesel prea mo givim tempol i go long Lod. Blong tempol bae i kam tabu haos blong Lod.

Saints, 1:235

Eli long moning long taem blong miting, plante long ol Sent oli fulumap tempol. Taem ol jea oli fulap, ol pipol oli stanap long doa mo aotsaed, oli stap lukluk tru long windo. Evriwan i glad blong luk oli dediketem tempol.

Saints, 1:235–36

Josef i ridim wan prea blong dediketem tempol. Hem i talem long Lod se ol Sent se oli bin obei long Hem. Hem i askem Lod blong akseptem tempol olsem haos blong Hem.

Doktrin mo Ol Kavenan 109:1–5

Josef i prea se evriwan we bae oli kam long tempol bae oli filim paoa blong Lod mo save se i haos blong Hem.

Doktrin mo Ol Kavenan 109:13

Josef i prea se taem ol Sent oli mekem sin, oli save sakem sin. Hem i askem Lod blong givim paoa long olgeta blong serem gospel blong Hem raon long wol. Afta long prea, wan kwaea i singsing wan niu singsing we oli singaotem “Spirit Olsem Faea.” Ol pipol oli fulap wetem glad. Oli stanap mo presem Lod.

Doktrin mo Ol Kavenan 109:21–32; STSP, no. 28; Saints, 1:237

Plante pipol oli luk ol enjel insaed long tempol long dei ia. Oli luk ol laet we i stap saen i kam daon long heven i go insaed long tempol. Sam pipol oli se i luk olsem ol klaod, ol narafala oli talem se i luk olsem faea. Oli filim se tempol hem i wan tabu ples. Hem i tru haos blong Lod.

Saints, 1:237