“Fasin blong Man i Maredem Fulap Woman ,” Doktrin mo Ol Kavenan Stori (2024)
“Fasin blong Man i Maredem Fulap Woman,” Doktrin mo Ol Kavenan Stori
1831–1890
Fasin blong Man i Maredem Fulap Woman
Wan komanmen blong wan taem
Taem Profet Josef Smit i stap stadi long Baebol, hem i ridim abaot ol profet olsem Ebraham mo Moses we oli bin maredem fulap woman. Josef i gat plante kwestin. Mekem se hem i disaed blong prea mo askem Lod.
Doktrin mo Ol Kavenan 132:1; Saints, 1:121, 503
Lod i bin talem se wan man i mas gat wan waef nomo. Be samtaem Lod i talem wan man blong maredem fulap woman. Hemia oli singaotem fasin blong man i maredem fulap woman. Lod i talem long Josef se ol pipol blong Hem bae oli folem fasin blong man i maredem fulap woman nomo, sapos Hem i talem long olgeta.
Jekob 2:27–30; Doktrin mo Ol Kavenan 132:34–39; Saints, 1:121, 290–91, 489–90, 503
Plante yia afta, Lod i talem long Josef mo sam narafala Sent blong folem fasin blong man i maredem fulap woman. I no bin isi blong laef long komanmen ia.
Saints, 1:290–91, 444–46
Gavman i mekem wan loa agensem fasin blong man i maredem fulap woman. Sam long ol Sent, wetem ol Jos lida, oli bin putum olgeta i go long kalabus.
Saints, 2:501–4
Long 1890, Lod i talem long Wilford Woodruff, Presiden blong Jos, se ol man bae oli nomo maredem fulap woman. Ol lida blong Jos oli serem komanmen ia wetem ol Sent. Hemia i komanmen blong Lod yet long yumi tedei—wan man i mas maredem wan woman nomo.
Official Declaration 1; Saints, 2:598–601, 607–9