“Wan Misin i go long Ol Stret Man Amerika,” Ol Doktrin mo Kavenan Stori (2024)
“Wan Misin i go long Ol Stret Man Amerika,” Ol Doktrin mo Kavenan Stori
Oktoba 1830–Jenuware 1831
Wan Misin i go long Ol Stret Man Amerika
Delaware Indien oli harem gospel
I no longtaem afta we Parli Prat i kasem baptaes, Lod i singaotem hem blong joenem Oliva Kaodri mo ol narawan blong go long wan misin. Hem i wantem olgeta blong go prijim gospel long Ol Stret Man Amerika. Ol misinari ia oli travel blong plante wik tru long dip sno. Long en, oli mitim Kikthawenund, jif blong Delaware Indien.
Doktrin mo Ol Kavenan 28:14; 30:5–6; 32; Saints, 1:98, 115
Jif i mekem gud fren wetem ol misinari. Hem i invaetem ol fren blong hem blong harem mesej blong olgeta. Oliva i talem se hem mo Parli tufala i travel long wan longfala rod blong karem Buk blong Momon i kam long olgeta. Hem i tokbaot ol pipol we oli stap long Amerika longtaem bifo. God i wantem olgeta blong serem buk ia mekem se, evriwan bae oli save abaot Jisas Kraes.
Saints, 1:115–16
Oliva i givim long Kikthawenund wan kopi blong Buk blong Momon. Hem i talem tangkyu long Oliva mo ol fren blong hem we oli kam longwe blong serem hemia wetem ol pipol blong hem. Hem i talem long Oliva mo Parli se hem i wantem olgeta blong oli kambak blong ridim long olgeta mo blong tijim long olgeta, moa abaot Buk blong Momon.
Saints, 1:116–17