Stap Kam Tugeta long Ohaeo

Long Ohaeo, plante moa pipol oli stap joenem Jos. Lod i talem long Josef Smit se bae ol Sent we oli stap laef long ol narafala ples oli mas kam long Ohaeo. Bae hem i wan longfala wokbaot. Be Lod i promes se afta we oli kam tugeta, bae Hem i tijim ol Sent ol loa blong Hem mo bae i blesem olgeta blong mekem wok blong Hem.

Doktrin mo Ol Kavenan 37; 38:32; Saints, 1:109–110

Mama blong Lucy mo wan grup blong 80 memba blong Jos oli lego ol hom blong olgeta long Niu Yok mo muv i go long Ohaeo. Oli go long wan bot we i tekem olgeta i go haf wei. Afta we oli travel blong plante dei, bot ia i mas stop. Tik aes i blokem rod blong olgeta.

Saints, 1:121–22

Ol Sent oli mas wet blong aes i brokbrok. Oli taet, oli hanggri, oli wetwet, mo oli kolkol.

Saints, 1:122

Be i had blong wet. Sam long ol Sent ia oli stat blong raorao long olgeta.

Saints, 1:122

Lucy i no laekem taem ol Sent oli stap raorao. Hem i save se hem i nid blong talem wan samting. “?Fet blong yufala i stap wea?” hem i askem. Lucy i talem long ol Sent se sapos oli prea long God, Hem bae i brebrekem aes mo bae oli save gohed long rod blong olgeta.

Saints, 1:122–23

Sek nomo, oli harem wan noes olsem blong tanda taem aes i stat blong brokbrok i go wanwan. Wan smol rod i bin open long aes, i bigwan inaf blong bot blong olgeta i pas tru long hem.

Saints, 1:123

Ol Sent oli sek mo oli talem tangkyu. Oli kam tugeta blong prea mo talem tangkyu long Papa long Heven. Bot blong olgeta i travel sef go kasem Ohaeo.

Saints, 1:123

Taem ol Sent oli kasem Ohaeo, ol memba blong Jos oli welkamem olgeta mo helpem olgeta faenem wan ples blong stap long hem. Lod i kipim promes blong Hem blong tijim loa blong Hem mo givim paoa long olgeta blong mekem wok blong Hem.

Doktrin mo Ol Kavenan 42; Saints, 1:126