“Parli mo Thankful Prat,” Ol Doktrin mo Kavenan Stori (2024)
“Parli mo Thankful Prat” Ol Doktrin mo Kavenan Stori
Ogis–Septemba 1830
Parli mo Thankful Prat
Fet blong folem Spirit
Parli Prat mo Thankful Prat oli ol man blong wok long fam long Ohaeo. Wan dei, Parli i filim Spirit i talem long hem blong livim hom blong hem blong go tijim ol pipol blong hem abaot Baebol.
Saints, 1:92
Parli mo Thankful Prat tufala i salem fam blong tufala. Oli no save weaples blong oli go long hem, be oli trastem se God bae o blesem olgeta blong stap givim seves long Hem.
Saints, 1:92
Parli mo Thankful oli karem sam klos mo mane mo go long wan bot. Taem oli stap travel gotru long Niu Yok, Spirit i talem long Parli blong kamaot long bot. Parli i askem Thankful blong gohed nomo we hem i no stap. Hem i promes se blong kambak long hem, i no longtaem. Hem i filim se i gat wan samting we God i wantem hem blong mekem long Niu Yok.
Saints, 1:92
Parli i wokbaot long wan longfala rod. Long en, hem i kam long wan hom blong wan prija. Prija ia i talem long Parli abaot wan strenj buk we wan man i bin givim long hem. Buk ia i kamaot long wan buk we oli wokem long gol mo oli bin raetem longtaem i pas. Oli singaotem Buk blong Momon. Wan yang man long Niu Yok i bin transletem wetem paoa blong God.
Saints, 1:92
Parli i wantem tumas blong save. Prija ia i soem buk ia long Parli. Wetem glad, Parli i openem mo stat blong ridim buk ia. Plante aoa i pas, be hem i no save stop blong rid, iven blong i kakae o silip. Spirit blong Lod i talem long hem se, hem i tru.
Saints, 1:92–93
Parli i lavem Buk blong Momon tumas, hem i wantem faenem man we i transletem. Hem i wokbaot i go long fam blong ol Smit famli, ples ia hem i mitim Haerum, brata blong Josef. Oli stori kasem naet. Haerum i talem long Parli se Buk blong Momon i tru. Hem i givim kopi blong hemwan long Parli.
Saints, 1:93
Taem hem i stap gohed blong ridim, Parli i lanem se Jisas i bin go visitim ol pipol long Ol Amerika. Parli i luksave se Buk blong Momon i gat moa valiu bitim evri rij samting blong wol ia. Hem i no save wet blong gobak long Thankful mo serem wetem hem wanem we hem i bin lanem.
Saints, 1:93; 3 Nifae 11:1–12
Parli i talem long Thankful mo ol narafala memba blong famli blong hem abaot Buk blong Momon. Hem i talem long olgeta wanem i tijim abaot Jisas Kraes. Thankful i glad se Parli i folem Spirit mo faenem wok we God i wantem hem blong mekem. Olsem Parli, Thankful i lanem hemwan se Buk blong Momon se i tru.
Saints, 1:98–99