Yanagida Famli

Toshiko mo Tokichi Yanagida oli stap laef long Japan. Tufala i bilif long Jisas Kraes mo tufala bin joenem Jos blong Hem. Be laef long Japan long taem ia i bin had. Wan wo i brekem daon plante haos mo ol bilding. Toshiko mo Tokichi i wantem blong bildim wan haos blong famli blong tufala be oli pua tumas.

Saints, 3:543

Famli Yanagida i save se Lod i wantem olgeta blong pem taeting, be oli no sua se bae oli save mekem. Toshiko i askem wan misinari wanem oli save mekem. “Taeting i had tumas long mifala,” hem i askem. Ol misinari oli promes se sapos oli stap pem taeting blong olgeta, Lod bae helpem olgeta kasem gol blong olgeta blong gat wan haos.

Doktrin mo Ol Kavenan 119; Saints, 3:543–44

Toshiko mo Tokichi tufala i no sua. Tufala i nogat inaf mane blong pem skul fi mo lanj blong boe blong tufala. Be tufala i disaed blong trastem Lod mo pem taeting.

Saints, 3:543–44

Lod i blesem famli Yanagida. Smoltaem afta oli save pem wan graon mo stat blong bildim wan hom.

Saints, 3:544

Wan dei wan inspekta i kam. Hem i talem se i gat wan problem long graon blong olgeta, mo bae oli no save bildim haos blong olgeta long ples ia. Hem i talem long ol man blong wok blong stop.

Saints, 3:544

Famli Yanagida oli harem nogud tumas. Oli talem long ol misinari wanem i bin hapen. Ol misinari oli talem se bae oli fas mo prea wetem famli Yanagida.

Saints, 3:545

Afta, wan nara inspekta i kam. Hem i talem se problem wetem graon blong olgeta oli save fiksim. Famli Yanagida i save bildim hom blong olgeta. “Yutufala i mas mekem wan gudfala samting ia,” inspekta i talem long Toshiko mo Tokichi. Tufala i save se Lod i bin blesem tufala. Tufala glad se tufala trastem Hem mo pem taeting.

Saints, 3:545