“Libeti Kalabus,” Doktrin mo Ol Kavenan Stori (2024)
“Libeti Kalabus,” Doktrin mo Ol Kavenan Stori
Oktoba 1838–Maj 1839
Libeti Kalabus
Faenem Lod long taem blong ol hadtaem
Plante pipol long Misuri oli no laekem ol Sent. Gavna i sendem ol soldia blong go ronemaot olgeta. Ol soldia oli ronemaot ol Sent aot long ol haos blong olgeta, oli stilim ol samting long haos blong olgeta, mo mekem nogud long plante long olgeta.
Saints, 1:355–56, 362, 364
Ol soldia oli bin arestem Profet Josef Smit mo ol narafala Jos lida.
Saints, 1:357–58
Josef i askem sapos hem i save gat wan smol taem wetem famli blong hem. Ol soldia oli talem no. Oli karem Josef mo ol narafala prisena i go.
Saints, 1:366
Wan naet, Josef mo ol narafala prisena oli stap lisin taem ol gadman ia oli stap laflaf abaot ol toti samting we oli bin mekem long ol Sent. Josef i nomo save holem hemwan blong harem olgeta. Hem i bin stanap mo singaot strong, “Yufala i stap kwaet!” Hem i bin toktok wetem paoa blong God. Ol gadman ia oli bin fraet. Oli talem se oli sore mo oli stop blong toktok.
Saints, 1:367–68
Afta, Josef mo ol fren blong hem oli bin putum olgeta long kalabus long wan taon we oli singaotem Libeti. Kalabus ia i kolkol tumas, i smol mo i tudak. Olgeta oli gat smol gras blong buluk nomo we oli save silip long hem. Mo i bin gat smol kaekae nomo, mo i mekem olgeta oli sik.
Saints, 1:369–70, 374, 384– 85
Josef i stap tingting plante abaot ol Sent. Hem i lavem olgeta. Hem i wari long olgeta. Be bae hem i no save mekem wan samting blong helpem olgeta.
Saints, 1:385–86
Josef i prea plante taem. Hem i askem God se Hem i stap wea mo from wanem Hem i no bin helpem Ol Sent. God i bin fogetem hem mo Jos?
God i bin ansarem prea blong Josef. Hem i talem, “Boe blong mi, bae pis i stap long sol blong yu.” Hem i talem long Josef se ol jalenj blong hem bae i no stap longtaem mo bae oli blong gud blong hem. God i rimaenem Josef se Jisas Kraes i bin go tru long plante had samting. Hem i promes se Hem bae i stap wetem Josef “blong oltaem mo oltaem.”