Wan Dei blong Hiling

Taem we Josef Smit mo ol narafala Jos lida oli stap olsem ol prisena long Misuri, sam long ol gad oli tekem olgeta i go long wan narafala kalabus. Ol gad ia oli gat kaen fasin long ol prisena. Wan naet, lida blong ol gad ia i talem long Josef se bae hem i go silip, mo sapos Josef mo ol fren blong hem oli ronwe bae hem i no save stopem olgeta.

Saints, 1:392–93

Josef mo ol narafala Jos lida oli ronwe. Oli faenem ol famli blong olgeta long wan taon we oli singaotem Quincy.

Saints, 1:395–96

Ol pipol long Quincy oli kaen long ol Sent. Oli givim kakae mo ol klos i go long ol Sent mo wan ples blong stap long hem.

Saints, 1:377

Ol Sent oli talem tangkyu from kaen fasin blong ol pipol blong Quincy. Be Josef i save se oli nidim wan ples blong olgetawan. Ol lida blong Jos oli pem sam graon we man i no wantem, mo ol Sent oli stat blong muv i kam long hem.

Saints, 1:399–400

Graon ia i stap kolosap long wan bigfala reva. Hem i wetwet mo fulap long sofmad mo fulap long moskito. Ol moskito oli mekem plante long ol Sent ia oli sik tumas wetem sik ia malaria. Sam long olgeta oli ded.

Saints, 1:402

Taem we Josef i luk se plante long ol pipol oli sik, hem i karem i kam tugeta sam Jos lida mo askem long olgeta blong kam wetem hem. Ful moning, oli go from wan famli i go long wan nara famli, visitim olgeta pipol we oli sik mo givim blesing long olgeta. Oli yusum paoa blong Jisas Kraes blong hilim olgeta we oli sik.

Saints, 1:402

Wan man we oli visitim hem i Elaeja Fodham. Hem i sik tumas, waef blong hem i ting se bae hem i ded i no longtaem. Josef i askem Elaeja sapos hem i gat fet se bae hem i hil.

Saints, 1:402

Elaeja i talem, “Mi fraet se hem i let tumas.” Josef i askem Elaeja sapos hem i biliv long Jisas Kraes. “Yes mi bilif, Brata Josef,” hem i ansa.

Saints, 1:402

Josef i blesem hem long nem blong Jisas Kraes. Elaeja i stanap. !Jisas i hilim hem! Elaeja i folem Josef i go long nekis haos mo helpem hem[Josef] blong blesem ol narafala pipol we oli sik.

Saints, 1:402–3