“Drim blong Desideria,” Doktrin mo Ol Kavenan Stori (2024)
“Drim blong Desideria,” Doktrin mo Ol Kavenan Stori
1880–1886
Drim blong Desideria
Lod i bin lidim rod long Meksiko
Desideria Yáñez i stap laef long Nopala, Meksiko. Wan naet, Desideria i bin gat wan drim abaot wan smol buk we oli bin mekem long Meksiko Siti. Oli singaotem buk ia Voz de amonestación, o Voes blong Woning. Taem Desideria i wekap, hem i save se hem i mas faenem buk ia.
Saints, 2:477
Be Meksiko Siti i stap longwe, mo Desideria i olfala tumas blong save tekem wan trip olsem. Hem i filim se Lod i wantem hem blong faenem buk ia. Mekem se hem i talem long boe blong hem, José, abaot drim ia. Hem tu i biliv se buk ia i impoten. Hem i talem long mama blong hem se bae hem i go faenem.
Saints, 2:478
Taem José i kasem Meksiko Siti, ol rod oli bisi, laod noes, mo i fulap long ol pipol. Olsem wanem hem i save faenem kaen buk ia long ples we i gat fulap man olsem?
Saints, 2:478
Afta sam dei i pas, José i mitim wan misinari we nem blong hem James Stewart. James i talem se hem i stap wok blong printim wan buk we oli singaotem Voz de amonestación.
Saints, 2:478
José i glad tumas! Hem i talem long James abaot drim blong mama blong hem. James i eksplenem se ol misinari bae oli yusum Voz de amonestación blong tijim pipol abaot Jisas Kraes mo wan niu buk blong skripja, Buk blong Momon.
Saints, 2:478
Voz de amonestación i no finis yet, mo Buk blong Momon oli no bin transletem i go long Spanis. Be James i givim long José ol narafala buk mo pepa blong helpem hem mo mama blong hem blong lanem abaot Jisas Kraes, Buk blong Momon, mo Jos we i kambak bakegen.
Doktrin mo Ol Kavenan 90:11; Saints, 2:478–79
José i go hariap long haos long mama blong hem. Tufala i stadi gospel tugeta, mo tufala i save se i tru. Desideria i askem ol misinari blong kam mo baptaesem hem.
Saints, 2:479
Desideria i wan long ol fas woman we i baptaes long Meksiko. José mo gel blong hem tu i bin kasem baptaes.
Saints, 2:479
Taem Voz de amonestación i finis, José i karem 10 kopi blong mama blong hem blong i serem long ol narawan long Nopala. Ol yia afta, taem Buk blong Momon oli printim long Spanis, Desideria i faswan long Meksiko blong kasem wan kopi. Hem i save se Lod i gaedem hem i kam long Jos blong Hem we i kambak bakegen.
Doktrin mo Ol Kavenan 88:81; Saints, 2:479