“Niuwel mo An Witni, Tufala I Mitim Profet Josef,” Doktrin mo Ol Kavenan Stori (2024)
“Niuwel mo An Witni, Tufala I Mitim Profet Josef,” Doktrin mo Ol Kavenan Stori
Oktoba 1830–Febwari 1831
Niuwel mo An Witni, Tufala I Mitim Profet Josef
Ol prea blong fet we Lod i bin ansarem
An mo Niuwel Witni oli gat wan stoa long Ketlan, Ohaeo. An i groap i no go long jos o lanem abaot Lod, be hem i wantem blong save Hem [Lod]. Afta we hem mo Niuwel tufala i mared, tufala i prea plante taem mo askem Lod blong lidim tufala.
Saints, 1:111–12
Wan naet long prea blong tufala, An mo Niuwel i luk wan visen. Long visen ia, wan klaod i kavremap haos blong tufala. Tufala i fulap wetem Spirit blong God. Klaod i raonem tufala. Afta tufala i harem wan voes i kam long heven. I talem, “Rere blong kasem tok blong Lod, from i stap kam.”
Saints, 1:111
Sam taem i pas, Parli Prat i kam long Ketlan Hem mo ol kompanion blong hem i tijim abaot gospel blong Jisas Kraes. Stret afta we An i harem wanem oli tijim long olgeta, hem i save se i tru. Hem i gobak long haos blong serem nius ia wetem Niuwel. I no longtaem afta oli kasem baptaes.
Saints, 1:112
Tu manis afta, wan man mo woman i kam long stoa blong ol Niuwel. Niuwel i no save olgeta, be taem man ia i sekhan wetem Niuwel mo i singaotem nem blong hem. Man ia i talem, “Mi mi profet Josef Smit.” Hem i eksplenem se Lod i stap ansa long ol prea blong Niuwel. Hem i bin sendem Ema mo Josef blong go mitim An mo Niuwel.
Saints, 1:113
Niuwel mo Ann tufala i save se visen blong tufala i stap kam tru. Olgeta i askem Josef mo Ema blong stap wetem tufala long haos blong tufala. An mo Niuwel i lavem Jisas mo gospel blong Hem. Tufala i bin givim evri samting we tufala gat i go long ol Sent mo long Jos ia blong Sevya.
Doktrin mo Ol Kavenan 38:23–27, 34–42; Saints, 1:114